Ekete ra Rionbọrhọ Uvuẹn Ọbe-Owian Uyono Akpenyerẹn Ọwan Ọrhẹ Iruo Uvie Na
MARCH 6-12
EFE RI NẸ ẸMRO OSOLOBRUGWẸ RHE | JEREMIAH 1-4
“Mẹmẹ Rhẹ Owẹwẹ i Havwiẹ Ne Mi Simuo”
(Jeremiah 1:6) Ọrẹn ni mi tare: “O, Osuinsuensun Rọmaido Ọrovwori Jehova! Mie rhe oborẹ a tẹmro-o, fọkime mẹmẹ ọmọvwerhe.”
w11 3/15 29 ¶4
Rha Dẹrẹ Jerẹ i Jeremiah
4 Jeremiah ọnọ sabu ha uvwre ẹgbukpe 25 ọke i Jehova ọ yẹ ye owian ono rhiẹ ọdẹrotọre. (Jer. 1:1, 2) Ọrẹn no roro taghene ọye ọmọvwerhe, o mwuovwan rọ nọ tẹmro rẹn ekpako ri ha agbamwa na ọrhẹ ehworhare re kpako ne ri ji vwo omẹgbanhon usuo-on. (Jer. 1:6) Ọye o vwo iyẹnrẹn oghwọghọ ọrhẹ ẹzeguon re mwofẹn ro no ghwoghwo, maido harẹn irherẹn na, emẹraro efian na, ere suẹn na, ji tobọ te ihworho ra nyalele “izede ro titiri na” ri jeghwai vwo “omamerhomẹ kpahen irueruo i jẹ fuọn.” (Jer. 6:13; 8:5, 6) Oghwa ẹga ro vwo odidi ri Solomon ọ bọnren, ro rhiẹ ekete ra ga ẹga urhomẹmro ẹgbukpe buebun ne, ọnọ ghwọghọ. Jerusalem ọrhẹ Judah ina ghwọghọ, ana jeghwai kpare ihworho yi riẹ abọ evrẹn. Itiọrurhomẹmro, urhomu edje ra ha i Jeremiah mwu nọ ta kpahen na, ọ kpatare omamọ!
(Jeremiah 1:7-10) Omarana, Jehova nọ ta mẹ: “Wu vwa ta taghene, ‘mẹmẹ ọmọvwerhe-e.’ Fọkime wu ne vi bru ọsoso ihworho mie dje owẹwẹ bruẹ na, Wu na jeghwai ta rẹn aye kpahen ọsoso oborẹ mi ta wẹn na. 8 Wu na zofẹn fọkiẹ aye-e, Fọkime ‘Mẹmẹ rhẹ owẹwẹ i havwiẹ, mi ne simuo,’ Omaran i Jehova ọ tare.” 9 Omarana, Jehova nọ rionbọ ye te ugbunu mẹ. Jehova nọ ta mẹ: “Mi fi ẹmro mẹ rhẹ ugbunuo ne. 10 Nughe, Mi ha ruọ mwu inyenana ne wu sun egbamwa na ọrhẹ ivie, ne wu ghwie jeghwai ghwọghọ, ne wu ghwọghọ totọre jeghwai bẹrẹ, ne wu bọn jeghwai wọ.”
(Jeremiah 1:17-19) Ọrẹn, o fori ne wu mwuegbe oma hẹrhẹ owian, Wu na jeghwai mevi ta rẹn aye ọsoso oborẹ mi je ekama yen wẹn na. Wu vwa zofẹn aye-e, Neneyo mi ja rha lẹrhẹ ighweghwe mwuo obaro aye. 18 Fọkime inyenana, mi ru owẹwẹ rhiẹ amwa ọgbogbanhon ne, usimo uteru, ugbomoghwa erẹnmo haso ọsoso otọre na, Harẹn irodje i Judah ọrhẹ emọ orodje yi, Harẹn irherẹn ye ọrhẹ ihworho ẹkwotọre na. 19 Aye ina vi kparehaso owẹwẹ, Ọrẹn aye i sabu fiẹkparobọ-ọ, Fọkime ‘Mẹmẹ rhẹ owẹwẹ i havwiẹ, mi ne simuo,’” omaran i Jehova ọ tare.
w05 12/15 23 ¶18
Ọrọmo Wu Na Huvwele Yi—Osolobrugwẹ Gbinẹ Ituakpọ?
18 Osolobrugwẹ ọ ta rẹn ọmẹraro Jeremiah: “‘Mẹmẹ rhẹ owẹwẹ i havwiẹ, mi ne simuo.” (Jeremiah 1:8) Marhẹ i Jehova ono ru simi ọwan nẹ ẹkparehaso inyenana? Ọnọ sabu ha oguẹnzọn jerẹ Gamaliel mwu. Yanghene ọnọ sabu ruie nẹ omamọ ohworho o wene ohworho ro ru oborẹ obiomurun rọ ha ẹrhẹ usuon. Ọkezẹko, Jehova ọnọ sabu ha uphẹn rẹn ihworho yi nẹ aye i dẹrughwaroghwu ẹkparehaso. (2 Timothy 3:12) Orhianẹ Osolobrugwẹ ọ ha uphẹn rẹn ọwan na dẹrughwaroghwu ẹkparehaso, ọnọ yẹ ọwan omẹgbanhon re ne din erhirhiẹ na. (1 Corinthians 10:13) Otoro oborẹ Osolobrugwẹ ọ ha uphẹn riẹn nọ phia-a, ọwan i vwo imwẹro ọnana taghene: Ihworho ra wọnrọn haso ihworho Osolobrugwẹ, a wọnrọn haso Osolobrugwẹ, era wọnrọn haso Osolobrugwẹ i fiẹkparobọ-ọ.
jr 88 ¶14-15
“Mi Na Rhuọnrhuọn Ihworho Oma Aye Ọghwọghọre”
WU NA RHUỌNRHUỌN IHWORHO OMA AYE ỌGHWỌGHỌRE?
14 O fori nẹ ọwan i dabu djokarhọ oborẹ a ha udu rhẹ i Jeremiah aghwẹ lele ọrhẹ oborẹ o ru ha userhumu rẹn ihworho rẹ ‘ẹhẹn aye o seriotọre.’ (Jer. 31:25) Ọmẹraro na ọ mẹrẹn uduẹharhaghwẹ mie i Jehova. Roro kpahen oborẹ oma ono ruo, ọke we rhon i Jehova ọ ta wẹn: “Fọkime inyenana, mi ru owẹwẹ rhiẹ amwa ọgbogbanhon ne . . . Aye ina vi kparehaso owẹwẹ, Ọrẹn aye i sabu fiẹkparobọ-ọ, Fọkime ‘Mẹmẹ rhẹ owẹwẹ i havwiẹ, mi ne simuo,’” omaran i Jehova ọ tare. (Jer. 1:18, 19) Rhẹ obọdẹn iroro, Jeremiah nọ tẹmro enana kpahen i Jehova taghene, wẹwẹ yẹ “omẹgbanhon mẹ ọrhẹ usimi mẹ, Ekete mia zẹrua uvuẹn ẹdẹ ukpokpogho.”—Jer. 16:19.
15 O fori na djokarhọ ye taghene Jehova ọ ta rẹn Jeremiah: “Mẹmẹ rhẹ owẹwẹ i havwiẹ.” Wu yono nẹ ẹmro ọrana rhe kpahen oborẹ wu ne ruo orhianẹ ohworho wu rheri ọ guọlọ uduẹharhaghwẹ? Emru owu, ọyẹ ene rhe taghene omizu uvuẹn ukoko na yanghene omizu ekrun o vwo ọdamẹ ọrana; ọrẹn emru ọrọrọ, ọyẹ ana kpahenrhọ ọdamẹ ọrana. Uvuẹn erhirhiẹ buebun, udjoghwẹ rọ mai serhọ, ọye ne ru oborẹ Osolobrugwẹ o ru harẹn i Jeremiah rẹn ohworho na, nọyẹ ha userhumu rẹn ohworho na. Orho ru, wu na sabu tẹmro uduẹharhaghwẹ rẹn ohworho na, ọrẹn o vwo rhiẹ ẹmro i buebu-un. Ibiẹ ẹmro ezẹko ina sabu bọn ohworho na gbanhon arha dabu ha aye ruiruo izede ro serhọ. Oborẹ wu na ta o vwo rhiẹ ẹmro i buebu-un. Ha ẹmro elolọhọ re dje ọdaremẹro ọrhẹ ọdamẹ phia ruiruo, jeghwai dje ẹguọlọ Olele Kristi phia. Aruẹ ẹmro erana ina sabu ha userhumu phia.—Se Proverbs 25:11.
Ra Guọlọ Efe erẹ Ẹhẹn
(Jeremiah 2:13) ‘Fọkime ihworho mẹ i ru ekwakwa ibiobiomu eva: Aye i sẹrerhumuji mẹ vwo, esiri ame ro nyerẹn, Aye ni tọn edje harẹn oma aye, edje ri ghwọghọ ne, re vwa sabu mọrọn ame.’
(Jeremiah 2:18) Vwana, mesoriẹ are a guọlọ izede ro suẹn riẹ Egypt, Nẹ are i ya da ame re ha Shiʹhor? Mesoriẹ are a guọlọ izede ro suẹn riẹ As·syrʹi·a, Nẹ are i ya da ame re ha Urhie na?
w07 3/15 9 ¶8
Ẹhaphia Ri Nẹ Ọbe ọrẹ Jeremiah
2:13, 18. Emọ Israel ri vwa fuevwan i ru ekwakwa ibiobiomu eva. Aye i nyaji Jehova ro rhiẹ obọdẹn esiri ebrurhọ, ọkpọvi ọrhẹ usimirhọ vwo. Aye ni tọn harẹn oma aye edje ra ha dje udje nyoma aye a ya guọlọ userhumu egba owọren mie Egypt ọrhẹ Assyria. Uvuẹn ọke ọwan na, na sẹrerhumuji Osolobrugwẹ urhomẹmro na vwo, ya hatua iroro ọrhẹ iyono ituakpọ kugbe usuon oseghe ọrẹ akpọ na, nọ họhọ ọke ra ha “edje ri ghwọghọre” e wene “esiri ame ro nyerẹn.”
(Jeremiah 4:10) Omarana ne mi tare: “O, Osunsuiensun Rọmaido Ọrovwori Jehova! Itiọrurhomẹmro wu ghini phiẹ ihworho na ọrhẹ i Jerusalem rhọ ne, nyoma wa ta, ‘Are ine vwo ufuoma,’ ọrẹn odan ọlọkọ ọ ha owọre ame ne.”
w07 3/15 9 ¶4
Ẹhaphia Ri Nẹ Ọbe ọrẹ Jeremiah
4:10; 15:18—Ọhọ ọgo ọyẹ a ta taghene i Jehova ọ phiẹ ihworho enẹyen rhọ? Uvuẹn ẹdẹ i Jeremiah, o vwo ‘emẹraro ra mẹraro efian.’ (Jeremiah 5:31; 20:6; 23:16, 17, 25-28, 32) Jehova ọ dobọ aye ji nẹ aye i je dje urhomu efia-an.
Isese i Baibol
(Jeremiah 4:1-10) “If you will return, O Israel,” declares Jehovah, “If you will return to me And if you will remove your disgusting idols from before me, Then you will not be a fugitive. 2 And if you swear, ‘As surely as Jehovah is alive!’ in truth, justice, and righteousness, Then the nations will obtain a blessing for themselves by him, And in him they will boast.” 3 For this is what Jehovah says to the men of Judah and to Jerusalem: “Plow for yourselves arable land, And do not keep sowing among thorns. 4 Circumcise yourselves to Jehovah, And remove the foreskins of your hearts, You men of Judah and inhabitants of Jerusalem, So that my wrath may not blaze up like a fire And burn with no one to extinguish it, Because of your evil deeds.” 5 Declare it in Judah, and proclaim it in Jerusalem. Shout and blow a horn throughout the land. Call out loudly and say: “Gather together, And let us flee into the fortified cities. 6 Raise a signal toward Zion. Seek shelter, and do not stand still,” For I am bringing in calamity from the north, a great crash. 7 He has emerged like a lion from his thicket; The destroyer of nations has set out. He has gone out from his place to make your land an object of horror. Your cities will be reduced to ruins, without an inhabitant. 8 Therefore, put on sackcloth, Mourn and wail, Because the burning anger of Jehovah has not turned away from us. 9 “In that day,” declares Jehovah, “the heart of the king will fail him, Also the heart of the princes; The priests will be horrified, and the prophets will be amazed.” 10 Then I said: “Alas, O Sovereign Lord Jehovah! Truly you have utterly deceived this people and Jerusalem, saying, ‘You will have peace,’ when the sword is at our throats.”
MARCH 13-19
EFE RI NẸ ẸMRO OSOLOBRUGWẸ RHE | JEREMIAH 5-7
“Aye i Dobọ Ọhọre Osolobrugwẹ Eruo Ji”
(Jeremiah 6:13-15) “Nẹ ọmọvwerhe ye te omirẹghwa, i vwo ufiuvwele igho; Nẹ ọmẹraro ye te orherẹn, e ruẹ irueruo ọghware. 14 Aye a damoma aye ine simi ibiesuọn uvuẹn ẹkuọn ihworho mẹ, nyoma aye a ta, ‘Ufuoma ọ havwiẹ! Ufuoma ọ havwiẹ!’ Ọrẹn o vwo ufuoma-a. 15 Ofa o ro rẹ aye fọkiẹ ekwakwa ibiobiomu aye i ruru na? Aye i vwa zofa kakaka-a! Aye a tobọ rhe oborẹ a zofa-a! Omarana, aye ine se uvwre ihworho ri se ne. Aye ine se ọke mi na ha oja re aye,” omaran i Jehova ọ tare.
w88 4/1 11-12 ¶7-8
Jeremiah—Ọmẹraro ro Vwo Titi ro Ghwoghwo Ẹzeguon Osolobrugwẹ
7 Jehova nọ tare, “Aye ina vi kparehaso owẹwẹ, Ọrẹn aye i sabu fiẹkparobọ-ọ.” (Jeremiah 1:19) Mesoriẹ itu i Jew ọrhẹ ere suẹn ina kparehaso ọmẹraro ọnana? Fọkime aghwoghwo ọnẹyen ọ kparehaso ọdamẹ omobọ aye, ọ jeghwai ghwolo ogame efian aye phia. Jeremiah ọ wọrọ-ọn: “Nughe! Ẹmro i Jehova nẹ oborẹ aye a ha djechẹẹ; Aye e rhe vwo omamerhomẹ kpahiẹ-ẹn. Nẹ ọmọvwerhe ye te omirẹghwa, i vwo ufiuvwele igho; Nẹ ọmẹraro ye te orherẹn [ihworho ri fori ni ha omamọ udje phia], e ruẹ irueruo ọghware.”—Jeremiah 6:10, 13.
8 Itiọrurhomẹmro, aye a lẹrhẹ agbamwa na ze izobo. Aye e vwobọrhọ ogame urhomẹmro, ọrẹn o nẹ ọmudu aye rhe-e. Izobo eze nọyẹ ọ mai ghanren harẹn aye ukperẹ ono rhiẹ omamọ uruemru aye ine vwo. Uvwre ọke owu na, ilori ẹga itu i Jew na phiẹ agbamwa na rhọ nẹ aye i kwerhọ taghene omefuon ọ havwiẹ, nyoma aye a ta, “Ufuoma ọ havwiẹ! Ufuoma ọ havwiẹ!” ọrẹn o vwo ufuoma-a. (Jeremiah 6:14; 8:11) Itiọrurhomẹmro, aye a phiẹ ihworho na rhọ nẹ aye i kwerhọ taghene aye i vwo ufuoma rhẹ Osolobrugwẹ. Aye ne roro taghene o vwo oborẹ aye ine brudu kpahe-en, fọkime aye ihworho i Jehova o simirin, ri ji ha amwa ọfuanfon na ọrhẹ oghwa ẹga na riuku. Ọrẹn, ikẹro ọrana yi Jehova o ni erhirhiẹ na?
(Jeremiah 7:1-7) Ọnana ẹmro ro nẹ obẹ i Jehova bru i Jeremiah rhe, rọ tare: 2 “Mevi anurẹsẹ oghwa ọrẹ i Jehova, ne wu ghwoghwo ẹmro ọnana, ‘Are i rhon ẹmro i Jehova, are ọsoso ihworho i Judah ra nya anurẹsẹ ọnana ya ha ẹga rẹn i Jehova. 3 Ọnana oborẹ i Jehova ro sun emakashe na, Osolobrugwẹ Israel, ọ tare: “Are i ru izede ọrhẹ irueruo are fon, ne mi na lẹrhẹ are rhirhiẹ ekete arana. 4 Are i vwa hẹroso ẹmro efia-an, jeghwai ta, ‘Ọnana oghwa ẹga i Jehova, oghwa ẹga i Jehova, oghwa ẹga i Jehova!’ 5 Fọkime are i rhe ghini ru izede ọrhẹ irueruo are fon; are i rhe ghini ha orhienbro ọsoso phia uvwre ohworho ọrhẹ ọreva ye; 6 are e rhe sehiẹn epha, emọ ri vwe vwo ọsẹ ọrhẹ izu kugbe emẹse uku ri ha uvwre are-e; are e rhe biomu ọbara uvuẹn ekete arana-a; are arha nyalele isolobrugwẹ erọrọ-ọ; 7 ni mi na lẹrhẹ are rhe rhirhiẹ ekete arana, uvuẹn otọre mi yẹ esẹ ride are bẹmẹdẹ.”’”
w88 4/1 12 ¶9-10
Jeremiah—Ọmẹraro ro Vwo Titi ro Ghwoghwo Ẹzeguon Osolobrugwẹ
9 Jehova ọ ta rẹn i Jeremiah no yo mevi ekete ihworho ephian ina mẹriẹn uvuẹn anurẹsẹ oghwa ẹga na, nọ jeghwai ghwoghwo iyẹnrẹn Ọnẹyen harẹn era ga uvuẹn avwaye. Ọye ọnọ vi ta rẹn aye: “Are i vwa hẹroso ẹmro efia-an, jeghwai ta, ‘Ọnana oghwa ẹga i Jehova, oghwa ẹga i Jehova, oghwa ẹga i Jehova!’ . . . Ọ vwọ samọ rhua erere owuorowu rhe-e.” Itu i Jew na a nyalele oborẹ ikẹro aye i mẹrẹnren, orhiẹ nyoma esegburhomẹmro-o, fọkime aye a ha oghwa ẹga aye yeyan. Ẹmro orhetio i Jehova ọ harẹn aye ọ sẹrorẹ aye ẹro ne: “Idjuwu na yẹ aga usuon mẹ, otọrakpọ na yẹ ekete mie fi aghwẹ mẹ rhọ. Omarana, nẹ oghwa are ina bọn mẹ na ne?” Jehova ro rhiẹ Osunsuiensun Rọmaido Ọrovwori na, ọ gboma rhẹ uvuẹn oghwa ẹga aye-e, o toro oborẹ o vwo odidi te-e!—Jeremiah 7:1-8; Isaiah 66:1.
10 Jeremiah nọ ji tẹmro orhetio ọnana riobarorhọ: “Are ina sabu so uhi, kpe ihworho hwu, ghwọwe, dumirhonrin efian, ze izobo harẹn Baal, jeghwai nyalele isolobrugwẹ erọrọ are i vwe rhe, . . . nẹ are i jeghwai ta taghene, ‘Ene simi ame,’ udabọ ekwakwa ibiobiomu enana are e ruẹ na?” Itu i Jew ri rhiẹ ihworho Osolobrugwẹ ‘ọ djẹha,’ e roro taghene ọnọ sabu lele aye nyerẹn ghele iruemru esọsọ aye takpu aye e rha kparẹ izobo riẹ oghwa ẹga na. Orhianẹ aye e roro taghene ọye ọsẹ rọ ha obọ ọlolọhọ mọrọn ọmọ owu rọ vwori, o fori nẹ aye i wene iroro aye.—Jeremiah 7:9, 10; Exodus 19:5, 6.
(Jeremiah 7:8-15) “Ọrẹn are a hẹroso ẹmro efian—ọ vwọ samọ rhua erere owuorowu rhe-e. 9 Are ina sabu so uhi, kpe ihworho hwu, ghwọwe, dumirhonrin efian, ze izobo harẹn Baal, jeghwai nyalele isolobrugwẹ erọrọ are i vwe rhe, 10 nẹ are i ji me mevi obaro mẹ uvuẹn oghwa ọnana re mi ha odẹ mẹ se, nẹ are i jeghwai ta taghene, ‘Ene simi ame,’ udabọ ekwakwa ibiobiomu enana are e ruẹ na? 11 Oghwa ọnana ra ha odẹ mẹ se na ọ dẹrẹrhiẹ oghwa ihi uvuẹn ukẹro are ne? Nughe, mi mẹrenriẹn harẹn omamẹ ne,” omaran i Jehova ọ tare. 12 “‘Omarana, nyarhẹn riẹ ekete mẹ obẹ Shiloh, ekete mi kiki ha odẹ mẹ se, ne wu mẹrẹn oborẹ mi rurie fọkiẹ obiobiomu ihworho mẹ Israel. 13 Ọrẹn, are e ji ruẹ ekwakwa enana, dedevwo mia ta rẹn are ọgbọ buebun, are i vwa kerhọ-ọ. Mie se are ọke ephian, ọrẹn, are i vwa kpahanrhọ ye-e,’ omaran i Jehova ọ tare. 14 Omarana, mi ne ru oghwa ọnana ra ha odẹ mẹ se na, rẹ are a hẹrosua na ọrhẹ ekete mi yẹrẹ are ọrhẹ esẹ are ride jerẹ oborẹ mi ru Shiloh. 15 Mi ne doron are nẹ obaro mẹ, jerẹ oborẹ mi doron ọsoso imizu are fughwẹ, ọsoso uvwiẹ Ephra·im.’
jr 21 ¶12
Ra Ga Uvuẹn “Ẹdẹ Eri Koba na”
12 Ọke Jehoiakim ọ tuẹn usuon rhọ, Jehova nọ ta rẹn i Jeremiah no riẹ oghwa ẹga na jeghwai ta rẹn itu i Judah kpahen obiobiomu aye. Aye i ha oghwa ẹga i Jehova ruẹ oborẹ ono simi aye. Ọrẹn, orhianẹ aye a ji sẹrerhumuji ‘uhi, ihworho ekpe, ọwiẹghwọ, irhonrin efian edumu, re ze izobo harẹn Baal, jeghwai nyalele isolobrugwẹ erọrọ’ vwo-o, Jehova nẹ ọnọ sẹrerhumuji oghwa ẹga ọnẹyen vwo. Omaran ono ji ru ihworho ra ha ogame efian phia uvuẹn oghwa ẹga na, jerẹ oborẹ ọ sẹrerhumuji i tabernacle rọ ha Shiloh uvuẹn ẹdẹ ọrẹ Orherẹn Ọduado Eli. Ẹkwotọre i Judah, ana ‘ghwọghiẹ mwuotọre.’ (Jer. 7:1-15, 34; 26:1-6) Roro kpahen uduefigbere i Jeremiah ono vwo nọ sabu ghwoghwo iyẹnrẹn ọrana! Habaye, o ghwoghwirie uvuẹn afiede obaro ihworho eduado ri ji fe. Imizu ezẹko uvuẹn ukoko na inyenana e roro taghene aye i ji guọlọ uduefigbere nẹ aye i sabu ruẹ aghwoghwo afiede yanghene ghwoghwo rẹn ihworho ri feri yanghene ihworho eduado. Ọwan ina ji sabu vwo imwẹro ọnana: Userhumu Osolobrugwẹ obọdẹn jerẹ oborẹ ọ havwọ harẹn i Jeremiah.—Heb. 10:39; 13:6.
Ra Guọlọ Efe erẹ Ẹhẹn
(Jeremiah 6:16) Ọnana oborẹ i Jehova ọ tare: “Mevi erhẹrhẹ izede ne wu ni. Nọ kpahen izede ahwanren na, Nọ kpahen ekete izede orhorhomu na ọ havwọ, nẹ are i nya uvuien, nẹ are i jeghwai mẹrẹn omeronmo harẹn oma are.” Ọrẹn aye na ta: “Ame i nya uvuie-en.”
w05 11/1 23 ¶11
Wu Na Nyalele Osolobrugwẹ?
11 Ọwan e kwe nẹ Ẹmro Osolobrugwẹ o ghini sun ọwan? O fori na kpomavi na dabu ni oma ọwan so. Roro kpahen oghwẹmro rọ nọ ha userhumu rẹn ọwan ru omaran: “Ọnana oborẹ i Jehova ọ tare: ‘Mevi erhẹrhẹ izede ne wu ni. Nọ kpahen izede ahwanren na, Nọ kpahen ekete izede orhorhomu na ọ havwọ, nẹ are i nya uvuien, nẹ are i jeghwai mẹrẹn omeronmo harẹn oma are.’” (Jeremiah 6:16) Ẹmro enana ina sabu karorhọ ọwan kpahen ohworho ro nẹ oghwa, rọ nọ kpahen izede rọ nọ ha kpahen. Omaran ọ ji havwọ, o fori nẹ ihworho i Jehova ri vwo ọmudu ọgbogbanhon re rhirhiẹ Israel, i ji ru omaran. O fori nẹ aye i ghwẹrioma riẹ “izede ahwanren na.” “Izede orhorhomu” ọrana yẹ izede esẹ ride aye ri fuevwan i nyalele, izede rẹ agbamwa na ọ sẹrerhumuji. Ọrẹ omemwurhọ, emọ Israel ni gbanhon urhomu harẹn omamọ use ọnana ro nẹ obẹ i Jehova rhe. Oghwẹmro na nọ ji ta: “Ọrẹn aye na ta: ‘Ame i nya uvuie-en.’” Ọrẹ ovẹnẹ, ihworho Osolobrugwẹ inyenana i dabu kpahenrhọ use ọnana.
(Jeremiah 6:22, 23) Ọnana oborẹ i Jehova ọ tare: “Nughe! Ihworho e nẹ otọre rọ ha obọrẹ o rierun na sa, Ana jeghwai rhọmọ agbamwa ọduado nẹ ekete rọ mai seri uvuẹn akpọ na rhe. 23 Aye ina sanbọ mwu ukpitanbọ ọrhẹ ọgiọ na. Aye evwọkon ri vwe dje arodọmẹ phia. Uvwele aye ono don phia jerẹ urhie na, Aye a jeghwai ghwa iyesi. Aye i mwuegbe rẹ aye ine leluo fiuvweri jerẹ ọgba uvweri, O ọmọgbọtọ i Zion.”
w88 4/1 13 ¶15
Jeremiah—Ọmẹraro ro Vwo Titi ro Ghwoghwo Ẹzeguon Osolobrugwẹ
Judah Ọ Kwosa Na
15 Uvwre ẹgbukpe 632 a ki mẹrẹn Kristi, itu Chaldea ọrhẹ Mede i fiẹ Assyria kparobọ ne, aye i jeghwai ruẹ Egypt no rhiẹ usuon ghemeghe rọ ha obọrẹ o riotọre uvuẹn amwa i Judah. Ihworho ri na vi djofẹn mwu i Judah ine nẹ obọrẹ o rierun na rhe. Omarana, Jeremiah nẹ ọnọ ta rẹn ihworho i Jew na kpahen iyẹnrẹn obiobiomu! “Nughe! Ihworho e nẹ otọre rọ ha obọrẹ o rierun na sa . . . Aye evwọkon ri vwe dje arodọmẹ phia. . . . Aye i mwuegbe rẹ aye ine leluo fiuvweri jerẹ ọgba uvweri, O ọmọgbọtọ i Zion.” Ọrọ ha omẹgbanhon usuon akpọ ephian ọke ọrana yi Babylon. Osolobrugwẹ ọnọ nyoma aye ha oja riẹ itu Judah na.—Jeremiah 6:22, 23; 25:8, 9.
Isese i Baibol
(Jeremiah 5:26–6:5) For among my people there are wicked men. They keep peering, as when birdcatchers crouch down. They set a deadly trap. It is men whom they catch. 27 Like a cage full of birds, So their houses are full of deception. That is why they have become powerful and rich. 28 They have grown fat and smooth; They overflow with evil. They do not plead the legal case of the fatherless, That they may gain success; And they deny justice to the poor.’” 29 “Should I not call them to account for these things?” declares Jehovah. “Should I not avenge myself on such a nation? 30 Something appalling and horrible has occurred in the land: 31 The prophets prophesy lies, And the priests dominate by their own authority. And my own people love it that way. But what will you do when the end comes?”
6 Take shelter, O sons of Benjamin, away from Jerusalem. Blow the horn in Te·koʹa; Light a fire signal over Beth-hac·cheʹrem! For a calamity looms from the north, a great disaster. 2 The daughter of Zion resembles a beautiful and delicate woman. 3 The shepherds and their droves will come. They will pitch their tents all around her, Each grazing the flock in his care. 4 “Prepare for war against her! Rise up, and let us attack her at midday!” “Woe to us, for the day is declining, For the shadows of evening are getting longer!” 5 “Rise up, and let us attack during the night And destroy her fortified towers.”
MARCH 20-26
EFE RI NẸ ẸMRO OSOLOBRUGWẸ RHE | JEREMIAH 8-11
“Ituakpọ Ina Sabu Mẹrẹn Efikparobọ Nyoma Ọkpọvi Jehova Ọvo”
(Jeremiah 10:2-5) Ọnana oborẹ i Jehova ọ tare: “Are i vwe yono izede ọrẹ egbamwa na-a, Are i vwa zofẹn oka erẹ idjuwu na-a, Fọkime egbamwa na a zofẹn aye. 3 Fọkime irueruo ihworho na ifefe. Aye i họhọ orhan re bru nẹ uvuẹn egbo rhe, Rẹ ọwena ọ ha ekwakwa owian ọnẹyen wian. 4 Aye a ha idọlọ efuanfon ọrhẹ oro ruie rhomẹ, Aye i ha ihama ọrhẹ ipẹrẹ ruie gbanhon no jo rho se. 5 Jerẹ emru ra ha djofẹn mwu eranmo uvuẹn ikebi ra wọ i cucumber rhọ, aye i vwa sabu tẹmro-o; Na kpare aye fọkime aye i vwa sabu nya-a. Are i vwa zofẹn aye-e, fọkime aye i sabu ha ẹkuọn phia-a, Yanghene aye i sabu ruẹ oborẹ orhomuru-un.”
(Jeremiah 10:14, 15) Ihworho ephian ne ruẹ djidji, aye e ji vwo irherhe-e. Ofa ọnọ ro ohworho rọ ma ema fọkiẹ ema rọ maren; Fọkime ema yen ifefe, Aye i vwe nyerẹ-ẹn. 15 Aye ifefe, owian echẹdjẹ. Aye ina ghwọghọ, ọke rẹ ẹzeguon aye ọnọ rhiọ.
it-1 555
Cucumber
Usimo, erhan yanghene ekwakwa erọrọ, e ji fi aye rhẹ ikebi na ha ye djofẹn mwu eranmo, aruẹ “emru ra ha djofẹn mwu eranmo uvuẹn ikebi ra wọ i cucumber rhọ” ri vwe nyerẹn na, yẹ oborẹ ọmẹraro Jeremiah ọ ha dje ema egbamwa na e ruẹ.—Jer 10:5.
(Jeremiah 10:6, 7) O vwo ọrọ họhọ owẹwẹ-ẹ, O Jehova. Wu doro, odẹ ọnọ ọ doro jeghwai gbanhon. 7 Ọrọmo yọ nọ jọ zofẹn owẹwẹ, O Orodje egbamwa na, fọkime o fori; Fọkime uvwre eri ghwanranren uvuẹn egbamwa na ọrhẹ uvwre ọsoso ivie na, O vwo ọrọ họhọ owẹwẹ dẹ-ẹ.
(Jeremiah 10:10-13) Ọrẹn, Jehova ghini Osolobrugwẹ. Ọye yẹ Osolobrugwẹ ro nyerẹn ọrhẹ Orodje i bẹmẹdẹ. Fọkiẹ ekwẹre ọnẹyen otọrakpọ na ono kpogho, o vwo agbamwa rọ nọ sabu din orhienbro ọnẹye-en. 11 Ọnana oborẹ wu na ta harẹn aye: “Isolobrugwẹ ri vwa ma idjuwu ọrhẹ otọrakpọ na, Ina ghwọghọ nẹ otọrakpọ na ọrhẹ obotọre idjuwu na.” 12 Ọye yọ Ma otọrakpọ na nyoma omẹgbanhon ọnẹyen, Ohworho rọ ha otọre na mwu nyoma ẹghwanren ọnẹyen, Ọrọ jeghwai riẹn idjuwu na nyoma ọmẹrẹnvwrurhe ọnẹyen. 13 Ọrhọ tẹmro phia, Ame ri ha idjuwu na ne ghweghwe, Ọye nọ lẹrhẹ avwre nẹ ekete owu uvuẹn otọrakpọ na riẹ oba ye. Ọye yọ lẹrhẹ oberun braro harẹn oso na, Ọye nọ jeghwai ti aphẹrẹ na nẹ ekete o fi aye rhọ.
w04 10/1 11 ¶10
Ayọmo Ya Ha Odidi Vwe Osolobrugwẹ Inyenana?
10 Sẹ we ni idjuwu na yanghene emama re ha otọrakpọ na, ọ dabu dje fiotọre taghene Ọmemama ọ havwiẹ. (Jeremiah 10:12) O fori nẹ ọwan i dabu kwerhọ ẹmro emakashe na i ta phia: “Wu mwuovwan, Jehova Osolobrugwẹ ame, wu na ha odidi, ọghọ, kugbe omẹgbanhon na, nime wẹwẹ yi ma ekwakwa ephian.” (Revelation 4:11) Ọrẹn, itu isayẹnsi buebun i vwe kwerhọ imwẹro rẹ ‘ikẹro ọmudu aye’ ọ mẹrẹn na-a, dedevwo ọnọ sabu gbe aye unu kpahen ona emama rẹ ikẹro aye ọ mẹrẹn. (Ephesians 1:18) Ọwan ina sabu dje yi izede omana: Ne jiri erhumu ọrhẹ ona ra mẹrẹn uvuẹn emama jeghwai ten taghene o vwo Ọmemama-a, nọ họhọ ọke re jiri ifoto orhorhomu ọrẹn na ta taghene o vwo ohworho ro sin ifoto na-a. Nọyẹ ọsoriẹ ihworho ri vwe vwo imwẹro kpahen Osolobrugwẹ i sabu djẹ ‘ikilo-o’!
(Jeremiah 10:21-23) Fọkime isuingegede na ẹkpa, Aye a nọ mie i Jehova-a. Ọrana yẹ ọsoriẹ aye i vwe vwo oniso, Omarana ọsoso igegede aye i beghe vru ne.” 22 Kerhọ! Iyẹnrẹn! Ọ sa! Edon ọgbogbanhon ọ nẹ otọre rọ ha obọrẹ o rierun na sa, rọ nọ ghwọghọ amwa eri Judah mwuotọre, jerẹ ekete erhiako e rhirhiẹ. 23 Mi dabu rhe, O Jehova, taghene izede onyakpọ ọ nyalele rhẹ ọye yo vworie-e. Ọ havwiẹ harẹn onyakpọ rọ nya nọ kpọ udjoghwẹ onya yen vi-i.
w15 9/1 15 ¶1
Wa Tuekwẹre Kpahen Osolobrugwẹ?
Erhirhiẹ ibiobiomu ri ha uvuẹn akpọ na inyenana o djephia taghene usuon ituakpọ o sefughwẹ ne. Usuon akpọ na ọ ji sabu ha ufuoma, omefuon ọrhẹ omamerhomẹ rhe-e, o ji sun akpọ na riẹ oghwọghọ ne. Ọnana nọ dabu karunumwu urhomẹmro rọ ha uvuẹn i Baibol na: “Ọ havwiẹ harẹn onyakpọ rọ nya nọ kpọ udjoghwẹ onya yen vi-i.” (Jeremiah 10:23) Isuẹsun Osolobrugwẹ ọvo yọ nọ sabu ha obọdẹn ufuoma, omamerhomẹ ọrhẹ ekwakwa irhorhomu vwe ituakpọ bẹmẹdẹ, fọkime ọnana yẹ ọhọre Osolobrugwẹ.—Isaiah 45:18.
Ra Guọlọ Efe erẹ Ẹhẹn
(Jeremiah 9:24) “Ọrẹn, jenẹ ohworho rọ yeyan ọ yeyan kpahen ọnana: Taghene ọye o vwo oniso kpahen mẹ jeghwai rhe mẹ, Taghene mẹmẹ yi Jehova, Ohworho ro dje ẹguọlọ atamwu phia, ọro brorhiẹn ọsoso, ro ji ru irueruo ọvwata uvuẹn otọrakpọ na, Fọkime ekwakwa enana a merhen mẹ oma,” omaran i Jehova ọ tare.
w13 1/15 20 ¶16
Rhe Ti Kẹrẹ i Jehova Ọke Ephian
16 Ra yeyan kpahen oborẹ orhomurun ọnọ sabu rhiẹ oborẹ oserhọ. Jerẹ udje, o fori na yeyan ọke ephian fọkime ọwan Iseri Jehova. (Jer. 9:24) Erhe vwo omamọ iruemru, ọnọ ha userhumu rẹn ọwan brorhiẹn ri serhọ, jeghwai kẹnoma rẹn iruemru ri na lẹrhẹ ọwan gbe urhi ghwu. Ọrẹn erhe ni iroro ọwan yanghene ẹrhẹ ọwan gegerege, ọnọ sabu lẹrhẹ ọwan tephe harẹn i Jehova.—Ps. 138:6; Rom. 12:3.
(Jeremiah 11:10) Aye i ghwẹrioma riẹ edandan erẹ esẹ aye ride, ri vwe kwe huvwele mẹ. Aye i nyalele isolobrugwẹ erọrọ ji ga aye. Oghwa Israel ọrhẹ oghwa i Judah i sẹrerhumuji ọphọ mi rere rhẹ esẹ aye ride na ne.
w07 3/15 9 ¶2
Ẹhaphia Ri Nẹ Ọbe ọrẹ Jeremiah
3:11-22; 11:10-12, 17—Mesoriẹ i Jeremiah ọ ha ivwiẹ ikpe ọrẹ uvie rọ ha obọrẹ o rierun na ba aghwoghwo ọnẹyen, dedevwo a ghwọghọ i Samaria ẹgbukpe 740 a ki mẹrẹn Kristi? Ọnana ọ phiare fọkime oghwọghọ i Jerusalem uvuẹn ẹgbukpe 607 a ki mẹrẹn Kristi o dje ẹzeguon i Jehova kpahen ọsoso agbamwa Israel phia, orhiẹ i Judah ọvo-o. (Ezekiel 9:9, 10) Habaye, ọke ra ghwọghiẹ hin, Jerusalem nọ yọ hẹrote uvie ivwiẹ ikpe na, ra mẹriẹn taghene urhomu edje erẹ emẹraro Osolobrugwẹ i sekpahen emọ Israel.
Isese i Baibol
(Jeremiah 11:6-16) Jehovah then said to me: “Proclaim all these words in the cities of Judah and in the streets of Jerusalem: ‘Hear the words of this covenant, and carry them out. 7 For I solemnly admonished your forefathers in the day I brought them out of the land of Egypt and to this day, admonishing them again and again: “Obey my voice.” 8 But they did not listen or incline their ear; instead, each kept stubbornly following his own wicked heart. So I brought on them all the words of this covenant that I commanded them to do, but they refused to carry them out.’” 9 Jehovah then said to me: “There is a conspiracy among the men of Judah and the inhabitants of Jerusalem. 10 They have returned to the errors of their forefathers of old, who refused to obey my words. They too have followed other gods and have served them. The house of Israel and the house of Judah have broken my covenant that I made with their forefathers. 11 Therefore this is what Jehovah says, ‘Here I am bringing on them a calamity that they will not be able to escape. When they call to me for help, I will not listen to them. 12 Then the cities of Judah and the inhabitants of Jerusalem will go to the gods to which they are making sacrifices and call for help, but these will by no means save them in the time of their calamity. 13 For your gods have become as many as your cities, O Judah, and you have set up as many altars to the shameful thing as there are streets in Jerusalem, altars to make sacrifices to Baʹal.’ 14 “As for you, do not pray in behalf of this people. Do not cry out in their behalf or offer a prayer for them, for I will not be listening when they call out to me because of their calamity. 15 What right does my beloved one have to be in my house When so many have carried out evil schemes? With holy flesh will they avert the calamity when it comes upon you? Will you exult at that time? 16 Jehovah once called you a thriving olive tree, Beautiful with fine fruit. With a great roaring sound, he has set her on fire, And they have broken its branches.
MARCH 27–APRIL 2
EFE RI NẸ ẸMRO OSOLOBRUGWẸ RHE | JEREMIAH 12-16
“Jehova Ọ Sẹrẹ Emọ Israel Ẹro”
(Jeremiah 13:1-5) Ọnana oborẹ i Jehova ọ ta mẹ: “Nyarhẹn ya dẹ umwaya harẹn oma ọnọ ne wu ji gba ye mwu ugbewun ọnọ, wu vwe fie rhẹ ame-e.” 2 Omarana, ni mi dẹ umwaya na lele oborẹ i Jehova ọ ta mẹ, ni mi ji gba ye mwu ugbewun mẹ. 3 Ẹmro i Jehova no bruru mẹ rhe ọgbọ ọreva ye: 4 “Ha umwaya wu dẹre na, rọ ha ugbewun ọnọ na, ne wu vẹnrẹn riẹ Eu·phraʹtes, jeghwai gba ye tinu uvuẹn ophiọ atita.” 5 Omarana, ni mi ya gba ye tinu obẹ Eu·phraʹtes, jerẹ oborẹ i Jehova o djeri mẹ.
jr 51 ¶17
Kẹnoma Harẹn Ọmudu Ọphiẹrhọ
17 Owian i Jeremiah o surhobọmwu ọrẹ ọnọ huvwele ọkpọvi Osolobrugwẹ. Orhianẹ wẹwẹ yi Jeremiah, wu na ha aruẹ ọkpọvi ọrana? Uvwre ọke owu, Jehova nọ ta rẹn i Jeremiah nọ dẹ umwaya jeghwai gba ye mwu ugbewun. Ọrana o nie, Osolobrugwẹ nọ ta riẹn no riẹ Euphrates. Wu rhe ni imapu, wu na mẹrẹnvwrurhe taghene izede na o seri te iroko 300 (500 km). Orho te avwaye, Jeremiah nẹ ono ti umwaya na nu rhẹ uvuẹn ophiọ atita jeghwai ghwẹrioma riẹ i Jerusalem. Ọke oru, Osolobrugwẹ nọ ta riẹn nọ rharhumu ya ha umwaya na. (Se Jeremiah 13:1-9.) Uvuẹn onya na ephian, Jeremiah ọnọ nya ugbo ro seri te iroko 1,200 (1,900 km). Era kparahaso ẹmro i Baibol, e kwerhọ ye taghene ọ ha riẹ ibiamo ezẹko nọ nya aruẹ onya ọrana-a. (Ezra 7:9) Uvuien na, ọrana yẹ oborẹ Osolobrugwẹ ọ tare ọrhẹ oborẹ i Jeremiah o ruru.
(Jeremiah 13:6, 7) Ọrẹn, ẹdẹ buebun a nyavrẹn hin, Jehova nọ ta mẹ: “Vẹnrẹn, riẹ Eu·phrates, ne wu ya ha umwaya mi ta wẹn taghene wu gba tinu avwaye na.” 7 Omarana, ni mi riẹ Eu·phrates ya tọn umwaya na nẹ ekete mi gba riẹ tinu, ni mi mẹrẹnvwrurhe taghene umwaya na ọ ghwọghọ ne; arha sabu haye ru emru owuorowu-u.
jr 52 ¶18
Kẹnoma Harẹn Ọmudu Ọphiẹrhọ
18 Gba ha ẹhẹn roro ọke ọmẹraro na ọ nya uvuẹn igbenu i Judah, ọke oru nọ tẹnrovi ato rọ dẹrughwaroghwu Euphrates. Ọsoso onya na ephian fọkiẹ umwaya ro no tinu! Ere rhirhiẹ kẹriẹ i guọlọ rhe kpahen ekete rọ nyaren fọkime o nẹ oghwa jiri ne. Ọke rọ ghwẹrioma rhe, ọ ha umwaya na ba lele oma-a. Ọke oru, Osolobrugwẹ nọ ta riẹn nọ rharhumu nya ugbo ọnya ọrana ọgbọrọrọ ya ha umwaya na, vwana ogbon ne, “arha sabu haye ru emru owuorowu-u.” Roro kpahen oborẹ ọnọ phẹrẹ te ro no roro: ‘Ọrana o bun vwan ne. Fọkiẹ ọnana mia rhe?’ Ọrẹn, rẹ Osolobrugwẹ ọ ma ye ne na, orho rorie omara-an. Ukperẹ ono brenu, no ruẹ oborẹ a ta riẹn!
(Jeremiah 13:8-11) Omarana, ẹmro i Jehova no bruru mẹ rhe: 9 “Ọnana oborẹ i Jehova ọ tare, ‘omaran mi na ji ghwọghọ omẹkpare i Judah ọrhẹ omẹkpare gegerege ọrẹ i Jerusalem. 10 Evwọkon enana ri vwa huvwele mẹ na, ri gbanhon urhomu nyalele ọmudu ọrẹ aye, ra nyalele isolobrugwẹ erọrọ jeghwai gburhomu rhotọre rẹn aye, ina họhọ umwaya ọnana ra na ja sabu ha ru emru owuorowu na.’ 11 ‘Jerẹ oborẹ umwaya ọ tamwu ugbewun onyakpọ, omaran mi ru ọsoso oghwa ọrẹ Israel ọrhẹ ọsoso oghwa ọrẹ i Judah tamwu mẹ,’ omaran i Jehova ọ tare, Nẹ aye i rhiẹ ihworho ha mẹ, odẹ, ujiri, ọrhẹ emru orhorhomu. Ọrẹn, aye a huvwele-e.’
jr 52 ¶19-20
Kẹnoma Harẹn Ọmudu Ọphiẹrhọ
19 Ọke i Jeremiah ọ nya ugbo ọreva ye hin, yẹ Osolobrugwẹ ọ ki dabu dje ẹmro na fiotọre riẹn. Nọ dabu kpare udjoghwẹ ro no ghwoghwo iyẹnrẹn ọnana: “Evwọkon enana ri vwa huvwele mẹ na, ri gbanhon urhomu nyalele ọmudu ọrẹ aye, ra nyalele isolobrugwẹ erọrọ jeghwai gburhomu rhotọre rẹn aye, ina họhọ umwaya ọnana ra na ja sabu ha ru emru owuorowu na.” (Jer. 13:10) Ọnana omamọ izede i Jehova o yono ihworho enẹyen! Fọkime i Jeremiah ọ huvwele i Jehova uvuẹn erhirhiẹ ọnana, ro rhiẹ oborẹ ana sabu ha ukẹro ghemeghe ni, o toroba omẹdamu i Jehova ono yono ihworho Enẹyen.—Jer. 13:11.
20 Inyenana, a vwa ta rẹn Ilele Kristi nẹ aye i nya iroko buebun vwẹre nẹ aye i ki mẹrẹn uyono i Jehova-a. Ọrẹn, ọnọ sabu rhirhiẹ taghene odjẹ Olele Kristi wu ha kpahen ọnọ sabu lẹrhẹ ere rhirhiẹ kẹruọ yanghene igbehian ha djechẹẹ yanghene tobọ kparehaso owẹwẹ? Ọnọ sabu surhobọmwu ewun ọrhẹ osẹme, odjẹ ọnọ kpahen isukuru eduado, aruẹ owian wu guọlọ ru, yanghene ukẹro wa ha ni inyo re mwu ohworho. Wu vwo omwemẹ wu na nyalele ọkpọvi Osolobrugwẹ jerẹ i Jeremiah? Odjẹ wu djẹri fọkime wu ha uphẹn rẹn Osolobrugwẹ nọ ma, ọnọ sabu lẹrhẹ owẹwẹ se omamọ oseri. Uvuẹn erhirhiẹ ephian, ra nyalele ọkpọvi Jehova rọ ha uvuẹn Ẹmro ọnẹyen, jeghwai ha ọkpọvi ọvrẹn ra hẹrosua na, emru orhorhomu harẹn ọwan. Ukperẹ ana ha uphẹn rẹn ọmudu ọphiẹrhọ no sun ọwan, ana sabu họhọ i Jeremiah. Omarana, vwo omwemẹ wu ne kwe nẹ Osolobrugwẹ ọ ma owẹwẹ; jenẹ ọ ma owẹwẹ rhiẹ eriẹ ọghọ ra na ha ruiruo ọke jijiri.
it-1 1121 ¶2
Ugbewun
Jehova ọ tare taghene eghwa Israel ọrhẹ Judah i họhọ umwaya rọ ha mwu ugbewun ọnẹyen, ọ ha rẹ aye kẹroma omamọ, neneyo aye i sabu rhiẹ ujiri ọrhẹ emru orhorhomu ha riẹn. (Jer 13:11) Ọrẹ aruẹmẹrẹn, e dje i Jesu Kristi rhẹ ọro suẹn rhẹ umwaya irueruo ọsoso rọ ha mwu igbewun ọrhẹ irueruo ẹfuọn rọ ha mwu igbewun. Ọnana ọnọ sabu mevirhọ taghene ọsoso omẹgbanhon i Jesu Kristi o vwori, o surhobọmwu irueruo ọsoso ọrhẹ irueruo ẹfuọn. Jerẹ oborẹ umwaya ọ ha userhumu rẹn ohworho, omaran uruemru ẹfuọn ọrẹ irueruo ọvwata ọ ha userhumu rẹn i Jesu ruẹ ẹkẹ ro terie ro rhiẹ oguẹnzọn i Jehova ọ ha mwu.—Isa 11:1, 5.
Ra Guọlọ Efe erẹ Ẹhẹn
(Jeremiah 12:1, 2) Wẹwẹ ọvwata, O Jehova, mi rhe brenu wẹn, mi rhe leluo ta kpahen ẹmro ri sekpahen orhienbro ọsoso. Ọrẹn, mesoriẹ ọvwọkon na o vwo efikparobọ, Mesoriẹ udu o vwo bru eruedandan na? 2 Wẹwẹ yi wọrẹ aye, aye i ji vwo esiri ne. Aye i do ne jeghwai mọ emamọ ne. Wu ha uvuẹn ugbunu aye, ọrẹn wa ha uvuẹn ẹhẹn aye-e.
(Jeremiah 12:14) Ọnana oborẹ i Jehova ọ ta haso ọsoso evwọkon re rhirhiẹ kẹre mẹ, ra hobọte uku mi harẹn ihworho mẹ Israel: “Mi ne ghwie aye nẹ otọre aye, mi ne ji ghwie oghwa i Judah nẹ uvwre aye.
jr 118 ¶11
Wa Nọ Kẹdẹ Kẹdẹ, “Bọgo Yi Jehova Ọ Havwọ?”
11 Jeremiah o vwo onọ ro biomie evwan ọke rọ mẹrẹn evwọkon re fiẹkparobọ. (Se Jeremiah 12:1, 3.) Dedevwo o vwo biomu evwan kpahen irueruo ọvwata i Jehova-a, ọmẹraro na ọ guọlọ ẹkpahenrhọ harẹn ‘unuebro’ ọnẹyen. Uruemru ra ta urhomẹmro ro vwori, o djephia taghene o vwo onyerẹnkugbe rọ kpẹnkpẹnren rhẹ Osolobrugwẹ, aruẹ onyerẹnkugbe rọ ha uvwre ọmọ ọrhẹ ọsẹ ro vwo ẹguọlọ. Nọ họhọre taghene i Jeremiah o vwẹruọ oborẹ ọsoriẹ ekwakwa e rhomẹ harẹn itu Jew buebun udabọ irueruo ọkon aye-e. Jeremiah ọ mẹrẹn ẹkpahenrhọ rọ vuọnriẹn evwan? Jehova ọ yẹ riẹ imwẹro taghene Ọye ono ghwie evwọkon na nie. (Jer. 12:14) Ọke i Jeremiah ọ mẹrẹn oborẹ ekwakwa rọ ha vwe Osolobrugwẹ uvuẹn ẹrhomo a wian lele, uduefigbere ọnẹyen kpahen orhienbro Osolobrugwẹ nọ gbanhonrhọ. Itiọrurhomẹmro, ọnọ rhọ lẹrhẹ i Jeremiah dabu gboma rhọ ẹrhomo rọ nọ nẹ vwe Osolobrugwẹ, jeghwai ta oborẹ ọ ha ẹhẹn yen rẹn Ọsẹ ye.
(Jeremiah 15:17) Mi vwe siyẹ rhẹ ihworho ra riakpọ jeghwai ghọghọ-ọ. Fọkime obọ ọnọ ọ ha urhomu mẹ, mẹmẹ ọvo ne siyẹ, Fọkime wu ru evwan mẹ vuọn rhẹ ekwẹre.
w04 5/1 12 ¶16
Vwo Uduefigbere Jerẹ i Jeremiah
Jenẹ Ọwan i Dabu Ni Okugbe Ọwan So
16 Jeremiah nọ tẹmro kpahen emru ọrọrọ rọ ha userhumu riẹn fiudugbere. Ọrhọ ta: “Mi vwe siyẹ rhẹ ihworho ra riakpọ jeghwai ghọghọ-ọ. Fọkime obọ ọnọ ọ ha urhomu mẹ, mẹmẹ ọvo ne siyẹ, Fọkime wu ru evwan mẹ vuọn rhẹ ekwẹre.” (Jeremiah 15:17) Jeremiah o vwo omwemẹ ro no rhirhiẹ ye kologho ukperẹ ono kwomakugbe orharhere igbehian. Inyenana, ọwan a ji ha ukẹro owu ni erhirhiẹ ọrana. O fori nẹ ọwan i karorhọ urhebro ọnyikọ Paul rọ tare taghene “orharhere okugbe o biomu omamọ uruemru,” ọ tobọ biomu omamọ uruemru re vwori ẹgbukpe buebun ne.—1 Corinthians 15:33.
Isese i Baibol
(Jeremiah 13:15-27) Hear and pay attention. Do not be haughty, for Jehovah has spoken. 16 Give glory to Jehovah your God Before he brings darkness And before your feet stumble on the mountains at dusk. You will hope for the light, But he will bring deep shadow; He will turn it into thick gloom. 17 And if you refuse to listen, I will weep in secret because of your pride. I will shed many tears, and my eyes will stream with tears, Because the flock of Jehovah has been carried away captive. 18 Tell the king and the queen mother, ‘Sit in a lower place, For your beautiful crown will fall from your head.’ 19 The cities of the south are shut, with no one to open them. All of Judah has been taken into exile, taken completely into exile. 20 Raise your eyes and see those coming from the north. Where is the flock you were given, your beautiful sheep? 21 What will you say when your punishment comes From your close friends whom you cultivated from the start? Will not birth pains seize you, like those of a woman giving birth? 22 And when you say in your heart, ‘Why have these things befallen me?’ It is because of your great error that your skirts have been stripped off And your heels have been treated violently. 23 Can a Cushʹite change his skin, or a leopard its spots? If so, then you can do good, You who are trained to do bad. 24 So I will scatter them like straw blown by the desert wind. 25 This is your lot, the portion that I have measured out to you,” declares Jehovah, “Because you have forgotten me and you trust in lies. 26 Therefore, I will lift up your skirts over your face, And your shame will be seen, 27 Your acts of adultery and your lustful neighing, Your obscene prostitution. On the hills, in the field, I have seen your disgusting behavior. Woe to you, O Jerusalem! How much longer will you remain unclean?”