March 12-18
MATTHEW 22-23
Ijoro 30 Ọrhẹ Ẹrhomo
Ẹmro Ọtonrhọ (Iminiti 3 yan riotọre)
EFE RI NẸ ẸMRO OSOLOBRUGWẸ RHE
“Nyalele Ekama Eduado Eva Na”: (Iminiti 10)
Mt 22:36-38—Marhẹ eghwẹmro enana i ru dje oborẹ o mevirhọ ra na nyalele akama ọduado ọrhẹ ọrukaro uvuẹn Urhi na? (nwtsty ọbe uyono ro sekpahen Mt 22:37)
Mt 22:39—Me ọyẹ akama ọduado ọreva uvuẹn Urhi na? (nwtsty ọbe uyono)
Mt 22:40—Ọsoso obọrẹ a ha edjadjẹ i Hebrew ya uvuẹn i Baibol na o sekpahen ẹguọlọ (nwtsty ọbe uyono)
Ra Guọlọ Efe erẹ Ẹhẹn: (Iminiti 8)
Mt 22:21—Me yẹ “ekwakwa i Caesar,” me yẹ “ekwakwa Osolobrugwẹ”? (nwtsty ọbe uyono)
Mt 23:24—Me yẹ ẹmro i Jesu i mevirhọ? (nwtsty ọbe uyono)
Me ọyẹ isese i Baibol ọkprughwre ọnana o yoniruo kpahen i Jehova?
Erere erọrọ ego ye wu ji mẹrẹn nẹ isese i Baibol ọkprughwre ọnana rhe?
Isese i Baibol: (Iminiti 4 yan riotọre) Mt 22:1-22
FIOMA RHẸ IRUO AGHWOGHWO UVIE NA
Aghwoghwo: (Iminiti 2 yan riotọre) Ha udje ẹhaphia na ruiruo.
Ividio Ẹrharhumu Bru Ọrukaro: (Iminiti 5) Kporo jeghwai ta kpahen ividio na.
Uyono i Baibol: (Iminiti 6 yan riotọre) bhs 199 ¶8-9—Oyono na ọ ha userhumu rẹn ọmọ uyono na nọ ha use rẹn ihworho rhiẹ Ẹkarorhọ Uhwu i Jesu.
ENYERẸN ILELE KRISTI
“Oborẹ Ene ru Vwo Ẹguọlọ kpahen Osolobrugwẹ Ọrhẹ Ereva Ọwan”: (Iminiti 15) Ẹmro otu ine vwobọrhọ. Na sabu dje ọghanronmẹ re roro kpahen iyẹnrẹn ri ha uvuẹn i Baibol na, kporo isese i Baibol ọrẹ iruẹn ikpekporo, Jehova Ọvo Ọyẹ Osolobrugwẹ Urhomẹmro Na—Kporo ekete ezẹko vwọye ọke rẹ otu na e nẹ 1 Kings 18:17-46 uvuẹn i Baibol aye.
Uyono i Baibol ọrẹ Ukoko: (Iminiti 30) jy urhomu-ẹmro 12
Rharhumu Hunute Oborẹ e Yonorin Ọrhẹ Oborẹ ene Yono Ọkprughwre Ọrẹ ọ sa na (Iminiti 3)
Ijoro 52 Ọrhẹ Ẹrhomo