Vwo Imwẹro Kpahen Ẹguọlọ Atamwu i Jehova

Jehova ọ ha ukẹro ọghoghanren ni owẹwẹ. (Isa 43:4) Ọye yo seruo te oma ji rhiẹ ukoko ọnẹyen. Fọkime wu homakpahontọre riẹn ji bromarhame ne, Jehova nọ yo vworuo. Ọrhọ tobọ rhianẹ ekwakwa i gbanhonron, ọnọ hẹroto nime wu ghanren ha riẹn. Ọnọ ji nyoma ukoko ọnẹyen dje ẹguọlọ atamwu wẹn.—Ps 25:10.

Ana sabu ruie nẹ ọdaremẹro re vwo kpahen ẹguọlọ atamwu i Jehova, no kodorhọ nyoma e roro kpahen oborẹ ukoko yi ọ kpahenrhọ ye lele ọke oghwọghọ kpregede ọ homaphia ro vwo jijiri na.

NI IVIDIO NA IYẸNRẸN ỌRẸ I 2019 RẸ UMẸ RỌ HẸROTE ẸMRO IRHI ỌRHẸ EBẸNBẸN SANSAN Ọ HAPHIA, ORHO RU GBA KPAHENRHỌ ENỌ ENANA:

• 

  Marhẹ Umẹ Rọ Hẹrote Ẹmro Irhi Ọrhẹ Ebẹnbẹn Sansan o ru mwuegbe oghọn ukoko sansan rhotọre, kpahen oborẹ aye ine ruo orhianẹ oghwọghọ kpregede ọ homaphia?

• 

  Marhẹ ukoko i Jehova o ru ha ọkpọvi ọrhẹ userhumu phia uvuẹn Indonesia ọrhẹ Nigeria?

• 

  Me yọ mai jo kpahen oborẹ ukoko na ọ kpahenrhọ ye lele ọke emiamo i COVID-19 na ọ homaphia?