Watchtower LAIBRARI ỌRẸ ITANẸTI
Watchtower
ILAIBRARI ỌRẸ ITANẸTI
Okpe
  • BAIBOL
  • ẸBE
  • IYONO
  • lfb uyono 64 aruọbe 152-aruọbe 153 udjoghwẹ 4
  • E fi Daniel rhẹ unu Ikporokpo

Oborẹ wu hiẹnren na o vwo ividio-o.

Wu vwa ghwọ-ọ, ividio na o kwe kporo-o.

  • E fi Daniel rhẹ unu Ikporokpo
  • Oborẹ Wu Na Sabu Yono Nẹ I Baibol na Rhe
  • Oborẹ ọ Họheriẹ
  • Yono nẹ Udje i Daniel
    Oghwa Odẹrẹ Ro Ghwoghwo Uvie I Jehova (Uyono)—2023
Oborẹ Wu Na Sabu Yono Nẹ I Baibol na Rhe
lfb uyono 64 aruọbe 152-aruọbe 153 udjoghwẹ 4
Ehworhare ra rioma kpahen i Daniel i mwurien ọke rọ nẹrhomo obaro ivakpo oghwa ye ro rhiefirhọ

UYONO 64

E fi Daniel rhẹ unu Ikporokpo

Orodje ọrọrọ ro sun i Babylon yẹ Darius ro rhiẹ onyẹ Media. Darius ọ mẹrẹnvwrurhe taghene Daniel ohworho ọghoghanren omamọ. Nọ ha i Daniel mwu ẹrhẹ ro rierun vrẹn ihworho erọrọ uvuẹn ẹkwotọre na. Ihworho ri hẹrhẹre na, na rioma kpahen i Daniel, aye na guọlọ izede rẹ aye ine kpe yi. Aye i rheri taghene i Daniel ọ nẹrhomo vwe i Jehova ọgbọ esa kẹdẹkẹdẹ, omarana, aye ni ta rẹn i Darius: ‘O orodje, jene jurhi taghene ihworho ephian i nẹrhomo rẹn owẹwẹ ọvo. Kohworho kohworho rọ vwọ nyalele urhi na, jene fi ọravwọ rhẹ unu ikporokpo.’ Ẹmro enana i jẹ i Darius, omarana no fiobọ rhọ ẹbe sekpahen urhi ọrana.

Ogege i Daniel o rhon kpahen urhi ọkpokpọ na, no riẹ oghwa ye. No sighwẹ obaro ivakpọ ro rhiefirhọ, nọ nẹrhomo vwe i Jehova. Ihworho ra rioma na, ni bru rie nya uvuẹn oghwa ye, aye ni mẹrenriẹn rọ nẹrhomo. Aye ni zẹ bru i Darius, aye ni tare: ‘Daniel ọ tiẹn uvwele ọnọ. Ọ nẹrhomo vwe Osolobrugwẹ ye, ọgbọ esa kẹdẹkẹdẹ.’ Fọkiẹ ẹguọlọ ri Darius o vwo kpahen i Daniel, ọrhọ guọlọ ne kpe yi-i. No roro kpahen oborẹ ono ru simi Daniel. Ọrẹn, orodje na dede ọ sabu wene urhi rẹ ọye o fiobọ rhọ ne-e. Omarana, nọ ta rẹn idibo yi nẹ aye i fi Daniel rhẹ unu ikporokpo na.

Ason ọrana, ẹhẹn i Darius no kpokpie fọkiẹ i Daniel, ọrhọ sabu merhẹ-ẹn. Urhiọke ẹdẹ ọreva ye, nọ zẹ riẹ ekete unu ikporokpo na ọ havwọ, no se i Daniel, nọ nọriẹn: ‘Osolobrugwẹ ọnọ ọ sabu simuo?’

Darius no rhon uvwele i Daniel. Daniel nọ ta rẹn i Darius: ‘Ọmakashe i Jehova o rhurhu unu ikporokpo na. Aye a kon mẹ-ẹ.’ Oma nọ merhen i Darius omamọ! Darius nọ tare taghene e ti Daniel nẹ unu ikporokpo na. Daniel o vwo oka owuorowu uvuẹn omaye-en. Omarana, orodje na nọ tare: ‘Are i doron ehworhare ri mọrenfian baren Daniel na rhẹ unu ikporokpo na.’ Ọke e doron ehworhare na rhẹ unu ikporokpo na, ikporokpo na ni sha rẹ aye re.

Darius no jurhi ọnana rẹn ihworho yi ephian: ‘Ihworho ephian i vi zofẹn Osolobrugwẹ i Daniel. Ọye yo simi Daniel nẹ unu ikporokpo na.’

Wa nẹrhomo vwe i Jehova kẹdẹkẹdẹ jerẹ oborẹ i Daniel o ruru?

Daniel rọ ha uvuẹn unu ikporokpo

“Jehova o rhe oborẹ ono ru simi ihworho ra ga ye nẹ ọdamuni.”—2 Peter 2:9

Enọ: Me yi Daniel o ruẹ ọgbọ esa kẹdẹkẹdẹ? Marhẹ i Jehova o ru simi Daniel?

Daniel 6:​1-28

    Okpe Ẹbe Ukoko na Ephian (2011-2025)
    Log Out
    Log In
    • Okpe
    • Dje yi
    • Oborẹ o jeruo
    • Copyright © 2025 Watch Tower Bible and Tract Society of Pennsylvania
    • Oborẹ Ana Haye Ruiruo Lele
    • Urhi ro Suien
    • Ruẹ Ewene Rhẹ Urhi ro Suien
    • JW.ORG
    • Log In
    Dje yi Vwe Ohworho