Ẹzẹkoko ọrẹ Oghọn 9

Oghọn ọnana o yono ọwan kpahen iphuphẹn, emẹraro, ọrhẹ irodje ri dje esegburhomẹmro oghẹnrensan kpahen i Jehova. Uvuẹn i Syria, o vwo ọgbọtọ onyẹ Israel owu ro vwo esegburhomẹmro taghene ọmẹraro i Jehova ọnọ sabu simi emiamo i Naaman. Ọmẹraro Elisha o vwo imwẹro ọgbogbanhon taghene i Jehova ọnọ sẹroriẹ nẹ abọ isodja ri rhiẹ evwreghrẹn yen. Orherẹn Ọduado Jehoiada o fi arhọ ye rhẹ erhirhiẹ imwofẹn nọ sabu sẹrorẹ Jehoash ọke rọ ha ọmọvwerhe nẹ abọ izie ọduado re se Athaliah ro rhiẹ ọvwọkon. Orodje Hezekiah ọ hẹroso i Jehova taghene ọnọ sẹrorẹ i Jerusalem, habaye, ọye ọ zofẹn ọke itu Assyria a djofẹn mwu aye-e. Orodje Josiah ọ ghwọghọ ema nẹ ẹkwotọre na, ọ kwaphiẹ oghwa ẹga na, jeghwai lẹrhẹ agbamwa Israel ga ogame urhomẹmro.