Ẹzẹkoko ọrẹ Oghọn 10

Jehova yo sun i kemru kemru. Ọye yo suẹn nẹ ọtonrhọ rhe, ọye yo no ji sun ye te bẹmẹdẹ. Jerẹ udje, Jehova o simi Jeremiah nẹ ukpotọ re dorinrien rhọ no jo rho hwu. O simi Shadrach, Meshach, ọrhẹ Abednego nẹ ogidi erhanren, ọ jeghwai simi Daniel nẹ unu ikporokpo. Jehova ọ sẹrorẹ Esther, neneyo ọ sabu simi ihworho yi. Jehova ọ vwọ samọ ha uphẹn rẹn irueruo ọkon no rhirhiẹ ye bẹmẹdẹ-ẹ. Aruẹmẹrẹn kpahen oma ọduado na ọrhẹ orhan ọduado na, ọ yẹrẹ ọwan imwẹro taghene phẹrẹkpẹ, Uvie i Jehova ọ samọ ti irueruo ọkon ephian nie jeghwai sun otọrakpọ na.