IJORO 95
Ude Na No Mwuẹ Phia Rhọ
(Proverbs 4:18)
1. Vẹrhẹ emarue damoma rhe kpahen
ru vwi Jesu na ọ bẹnran ye.
Ẹmrọ sẹ ye aghenu vwiọ mọ yen na
iyẹnron ghọghọme rin tuakpọ.
Ọke ra hẹrhẹ ọ rhe ne ra mẹrẹn,
ọyọ sa no sun to bonẹ.
E ja ghọghọ rhu phẹn ọra sai mo rhe
ọne mruo djahen bi vi dedie.
(IKORỌSU)
Ọsọ wan ọ hu kpẹ tu rọn wan
Izedọ wan no mwuẹ phia rhọ.
Emruo djahen bi o ghwolo phia,
Ọsọ wọn hu de rọn wan rhọ.
2. Na sai yono rhọ ni rherhọ won kodo
Ọvwẹghwanriọn vrẹn a hariẹ mwu.
Ukpẹ ẹmro na ọ rui hworho ẹhẹn
Irherhọ sẹ na no vi gbephe.
Ni zeda na nya ọrhọ kpọviẹ nyarhẹn,
Ne rhe ji vwu de nyoma ye.
Ukpọ win Jehova ghọghọ na kpẹmiẹ
Na sabu mẹrun de nya bẹdẹ.
(IKORỌSU)
Ọsọ wan ọ hu kpẹ tu rọn wan
Izedọ wan no mwuẹ phia rhọ.
Emruo djahen bi o ghwolo phia,
Ọsọ wọn hu de rọn wan rhọ.
(Jeghwai se Rom. 8:22; 1 Cor. 2:10; 1 Pet. 1:12.)