Mesoriẹ Iseri Jehova e Wene Imwẹro Aye Ezẹko?

Ame a bọn imwẹro ame kpahen i Baibol na, omarana, ame ne wene imwẹro ame orhianẹ ame i vwẹruọ iyono i Baibol na fiotọre rhọ.a

Ewene na i serhọ rhẹ uruemru-urhi Baibol rọ ha uvuẹn Proverbs 4:​18 rọ tare: “Izede ọvwata ọ họhọ ukpẹ urhiọke, ro lorhọ lorhọ bọmọke uvo na ọnọ dabu varhe.” Jerẹ oborẹ ọwan a dabu mẹrẹn okegbe fiotọre rhọ ọren na ọ rhọ va sa bibiesuọn, omaran yẹ Osolobrugwẹ ọ ji lẹrhẹ ọwan vwẹruọ urhomẹmro i Baibol na fiotọre rhọ bibiesuọn, uvuẹn ọke rọ guọlọre. (1 Peter 1:​10-​12) Jerẹ oborẹ i Baibol na ọ ta rhotọre, Jehova no ruie ne vwẹruọ iyono i Baibol na fiotọre rhọ uvuẹn “ọke oba na.”​—Daniel 12:4.

Ọrẹn, o fo nẹ ewene enana i gbe ọwan unu yanghene kpokpo ọwan ẹhẹ-ẹn. Idibo Osolobrugwẹ ọke ahwanren e vwẹruọ ekwakwa ezẹko fiotọre-e, ifiẹrorhọ rẹ aye i vwo kpahen ekwakwa ezẹko a ji gba-a, ọrẹn, aye ni wene iroro aye ọke oru.

• Moses o fiẹ omayen rhẹ ẹrhẹ ọro no simi agbamwa Israel ọrẹn, ẹgbukpe 40 i vrẹnren bọmọke i Jehova o ki simi aye.​—Acts 7:​23-​25, 30, 35.

• Inyikọ na e vwẹruọ aruẹmẹrẹn ri sekpahen uhwu ọrhẹ ẹrhọmọnuhwu i Messiah na-a.​—Isaiah 53:​8-​12; Matthew 16:​21-​23.

• Ilele Kristi erukaro ezẹko i vwo iroro rọ sọre kpahen ọke “ẹdẹ ọrẹ i Jehova” ọnọ rhe.​—2 Thessalonians 2:​1, 2.

Ọke o ru, Osolobrugwẹ nọ kpọ iroro aye vi, ame a nẹrhomo no rho ji ruẹ omaran rẹn ame.​—James 1:5.