Oborẹ Ihworho Ri Rhiẹ Omẹvwa Na Ine Rhe Kpahen

ẸGHWARE OGHẸNRENSAN

ẸGA UVUẸN I BẸTẸL Ighwoghwẹmro ri ha ẹgbukpe 35 riotọre ri rhiẹ emotọre, re guọlọ ga uvuẹn i bẹtẹl i mwuegbe ri ne riẹ esiyẹ rọ havwiẹ harẹn ere guọlọ riẹ i Bẹtẹl urhiọke i Fraide. Ene ghwoghwo ekete ọrhẹ ọke re ne ru esiyẹ na.

ISUKURU ỌRẸ IGHWOGHWẸMRO UVIE NA A riẹn abọ use harẹn ekobaro re ha uvwre ẹgbukpe 23 ọrhẹ 65 re guọlọ kerabọ ogame aye, nẹ aye i riẹ esiyẹ rọ havwiẹ harẹn ere guọlọ riẹ isukuru na urhiọke i Sọnde. Ene ghwoghwo ekete ọrhẹ ọke re ne ru esiyẹ na.

OBORẸ IHWORHO RI RHIẸ OMẸVWA NA INE RHE KPAHEN

ERAHẸROTE ESIYẸ Erahẹrote esiyẹ na ena ha userhumu wẹn. Biko nyalele ọkpọvi aye, aye i rha ta wẹn ekete imoto ono gbo rhọ, ekete wu na nya ruẹ esiyẹ na jeghwai ruẹ otafe, aga esiyẹ ọrhẹ ẹmro erọrọ.

ESIYẸ Biko roro harẹn awọrọ. Karorhọ taghene wu na sabu nyajẹ ega vwo harẹn otu owẹwẹ rhẹ aye egba nya usun rhe, yanghene eri we lele yono i Baibol. Biko wu vwe fi emru rhẹ oberun ega wu vwa sẹroriẹ harẹn ihworho-o.

ITETORO A ghwọghọ omamọ igho na sabu ru ẹkwaphiẹrhotọre esiyẹ na, ikpekporo, ividio ọrhẹ erọrọ ri na lẹrhẹ ọwan re amerhen omẹvwa na, jeghwai ti ọwan kẹrẹ i Jehova. Itetoro ro nẹ ẹhẹn rhe, ọnọ ha userhumu phia na sabu hẹrote ọdamẹ igho ọnana, jeghwai hobọtua owian akpọ ephian. Nọ phẹrẹ ha wẹn, wu na mẹrẹn ikpeti itetoro ra djokarhọ ri ha uvuẹn ekete sansan uvuẹn omẹvwa na. Itetoro ephian ina da ame ẹro. Ugboma Usuon na ọ kpẹme rẹ are fọkiẹ obẹhatua edamẹ ọrẹ Uvie na ghwologhwolo.

OGHWA RẸ ANA MẸRẸN EKWAKWA RI VRURU Ekwakwa ri vruru ephian, a haye riẹ obẹ Lost and Found. Emru ọnọ orho vru gbe riẹ oboran ya guọliẹ. Emọ ri beghe vru nyajẹ eri vwiẹ rẹ aye vwo, a haye riẹ ekete ọnana. Ọrẹn, ana haye jerẹ ekete ra sẹrorẹ emọ-ọ, biko hẹrote emọ.

OMEBRURHAME Orhianẹ a rionbọrhọ ekete ọrọrọ-ọ, aga re ha obaro na, a nyajẹ aye vwo harẹn otu ri ne bromarhame. Eri ne bromarhame, i siyẹ avwaye bọmọke ẹmro omebrurhame ọnọ tonrhọ urhiọke i Satọde. Aye ephian i ha itọwẹli kugbe ewun ro serhọ lele oma rhe.

OMESIMO ỌRUKARO Biko djokarhọ taghene, ọnana fọkiẹ ihworho re emru ọ phia harẹn aye KPREGEDE ỌVO.

OWIAN OMẸHAKPAHONTỌRE Wu rha guọlọ ha userhumu owian phia uvuẹn ẹkwaphiẹrhotọre omẹvwa na, Biko nya fiẹ oghọn ọnana.