UYONO 20

Ifuen ro Mwidjẹn

Ecclesiastes 12:13, 14

OBORẸ ENE RUO: Uvuẹn ẹmro wu na ha fuen ẹmro wa ta na, ha urhebro rẹn otu na nẹ aye i rhiabọ dede oborẹ aye i yonorin jeghwai haye ruiruo.

Surhu ifuen ẹmro na mwu ọsoso ẹmro na. Rharhumu hunute ihwẹnmro kirighwo ri ha ẹmro na.
Ha userhumu rẹn otu na kpare idjaghwẹ. Dje rẹn otu na oborẹ o fori aye ine ruo ọrhẹ oborẹ ọsoriẹ o fo nẹ aye i ruie. Tẹmro nẹ ẹhẹn rhe, no ji djephia taghene o mwuruon ẹro.
Jenẹ ifuen ẹmro na ọ lọhọ nọ jeghwai kpẹtẹ. Wu vwa ha ihwẹnmro ekpokpọ phia ọke ọnana-a. Wu rha damoma ha ibiẹ ẹmro ruiruo, ọnọ lẹrhẹ ẹmro na dabu fuen.

Wu vwe brokpakpa fuen ẹmro na-a, wu vwa jeghwai lẹrhẹ uvwele ọnọ riotọre-e. Jenẹ oborẹ wu ta ẹmro rọ kẹta uvuẹn ọbe ẹmro na lele, o djephia taghene wa guọlọ fuen ẹmro na ne.