Gbromarhọ Owian na

Oborẹ i Paul o Ruru

IVIDIO: Paul o Gbromarhọ Owian Aghwoghwo na Uvuẹn Ephesus

1. Ni IVIDIO na, yanghene se Acts 19:​8-10. Orho ru, gbe roro kpahen enọ enana:

1. Ukperẹ i Paul ono fiobọrhotọre ọke ra kparehasuiẹ, marhẹ o ru gbromarhọ owian na rhọ ji ha userhumu rẹn eri dje omamerhomẹ phia?

2. Ọgbọ emwa yi Paul ọ rharhumu bru eri dje omamerhomẹ phia na, marhẹ o rurie jiri te?

Me ya na Sabu Yono Mie i Paul?

2. O fori na ghwọghọ ọke ọrhẹ omẹdamu buebun ruẹ ẹrharhumu bru ri mwidjẹn, ji tuẹn uyono i Baibol rhọ.

Hẹrokele i Paul

3. Damoma bru ihworho nya uvuẹn ọke ro serhọ rẹn aye. Nọ oma: ‘Ọkiọgo yọ nọ mai serhọ mi na vwaye rhẹ oghwa? Ọkiọgo yo no vwo ọke, bọgo yọ nọ mai serhọ riẹn mi ne lelie tẹmro?’ Vwo omwemẹ wu na rharhumu bru ihworho ri dje omamerhomẹ phia, ọrhọ tobọ rhianẹ ọke na o serhọ wẹ-ẹn.

4. Lele ohworho na bru ọke rhoma. Uvuẹn oba uyono owuowu, damoma nekpẹn ọke ro no serhọ riẹn wu na rharhumu bruie rhe. Gba damoma nyamwu ọke na.

5. Rhe vwo ifiẹrorhọ. Wu vwe brokpakpa brorhiẹn taghene ohworho re vwe kiki vwa rhẹ oghwa, yanghene ro vwo vwo ọke phan, o vwo omamerhomẹ-ẹ. (1 Cor. 13:​4, 7) Ukpomaran, rhe ji bru ohworho na nya, ji rha damoma ha ọke ọnọ ruiruo izede ro serhọ.—1 Cor. 9:26.