Vwo Uduefigbere

Oborẹ i Jesu o Ruru

IVIDIO: Jesu ọ ha Urhebro Rẹn Idama Owu ro Feri Omamọ

1. Ni IVIDIO na, yanghene se Mark 10:​17-22. Orho ru, gbe roro kpahen enọ enana:

1. Emamọ iruemru ego yi Jesu ọ djokarhọ kpahen idama ọnana?

2. Mesoriẹ urhebro ri Jesu ọ yẹ idama na ọ guọlọ uduefigbere ọrhẹ ẹguọlọ?

Me ya na Sabu Yono Mie i Jesu?

2. O fori ne dje ẹguọlọ rẹn ihworho re yono, ji fiudugbere ta rẹn aye oborẹ o fori nẹ aye i ru, nẹ aye i sabu tikẹrẹ i Jehova.

Hẹrokele i Jesu

3. Ha userhumu rẹn ihworho we yono bru ẹkẹ te oma ji nyamwuie.

1. Ha oghọn na “Oborẹ Wu Guọlọ Ru” rọ ha uyono owuowu uvuẹn ọbe na Riamerhen Akpenyerẹn Bẹmẹdẹ! ruiruo.

2. Ha userhumu rẹn ohworho we yono vwẹruọ oborẹ o fori no ru, nọ sabu nyamwu ẹkẹ ro bruru, te erẹ ibiọke ọrhẹ erẹ ọke jijiri.

3. Kpẹmẹ ohworho we yono ọke ephian fọkiẹ eru riaro ọnẹyen.

4. Djokarhọ ebẹnbẹn ri na sabu lẹrhiẹ je ruriaro, ji ha userhumu riẹn fi aye kparobọ.

1. Nọ oma:

   • ‘Orhianẹ ohworho mie yono o vwo ruẹ riaro te erhirhiẹ omebrurhame-e, me yọ da ye obọ jẹ?’

   • ‘Userhumu ọgo yi mi na sabu ha riẹn?’

2. Rẹ i Jehova nọ yọ uduefigbere wu ne lele ohworho we yono ta kpahen oborẹ o fori no ru.

5. Fiobarhọ iyono i Baibol ri vwe ruẹ riaro.

1. Ne wu sabu rhe sẹ ohworho wa ha i Baibol yono o ruẹ riaro, gba nọ oma:

   • ‘Ohworho mie yono na, ọ ha oborẹ o yonorin ruiruo?’

   • ‘O riẹ uyono ukoko, ji ghwoghwo urhomẹmro na rẹn awọrọ?’

   • ‘Ekete ro yono jiri te ne na, o vwo omwemẹ ro no rhiẹ Oseri Jehova?’

2. Orhianẹ ohworho wa ha i Baibol yono o vwo ruẹ riaro-o:

   • Ta riẹn no roro kpahen oborẹ ọ da ye obọ jẹ.

   • Ha ona ta riẹn oborẹ ọsoriẹ wa guọlọ dobọ uyono na ji.

   • Ta riẹn oborẹ o fori no ru, bọmọke wu na ki rharhumu tuẹn uyono na rhọ.