Dede Aye Sasasa

Ayọmo ye ne dede sasasa? Kohworho kohworho rọ rhiẹ uyono Ilele Kristi, nọyẹ era sa obọ tẹ eri havwiẹ jiri ne. (Ro 15:7; Heb 13:2) Ọnọ sabu rhiẹ omizu ro nẹ ẹkwotọre ọrọrọ rhe yanghene omizu furhiemu rọ dobọ uyono ji ẹgbukpe buebun, rọ rhiẹ uyono ọke ukaro. Roro kpahen oborẹ oma ono ruo uvuẹn erhirhiẹ itiọrana. Wu guọlọ ne deduo sasasa? (Mt 7:12) Orho fo ne wu damoma mroma imizu bọmọke uyono ọnọ tonrhọ ọrhẹ ọke uyono orho fun? Ọnana o toroba ẹguọlọ ọrhẹ omamọ onyerẹnkugbe uvuẹn ukoko na, ọ jeghwai rhua ujiri vwe i Jehova. (Mt 5:16) Itiọrurhomẹmro, orhiẹ ọke ephian ya na sabu tẹmro rẹn ihworho ephian uvuẹn uyono na-a. Ọrẹn, oma ọnọ merhen ihworho ephian orhianẹ ọwan i ru ẹkẹ ro terẹ ọwan.a

Obọdẹn edede sasasa, a vwa ghwai dje yi phia ọke Ẹkarorhọ Uhwu i Jesu ọvo-o, ọrẹn ọke ephian. Ihworho ra rhiẹ uyono obọ i rha mẹrẹn ẹguọlọ Ilele Kristi re djephia, ọnọ sabu mwu aye jiri Osolobrugwẹ jeghwai homaba ọwan uvuẹn ogame urhomẹmro na.—Joh 13:35.