Ijoro Uvie Na A Yẹ Ọwan Uduefigbere

Paul ọrhẹ Silas i jiri Osolobrugwẹ ọke rẹ aye a ha ekanron. (Ac 16:25) Uvuẹn ọke ọwan na, imizu ọwan i jeghwai so ijoro Uvie na uvuẹn ekanron Sachsenhausen okẹ Nazi Germany ọrhẹ ọke aye a ha evrẹn obẹ Siberia. Idje enana, i dje kpahen oborẹ ijoro ọ ha uduefigbere rẹn Ilele Kristi ra dẹrughwaroghwu ebẹnbẹn.

Phẹrẹkpẹ edjadjẹ buebun ine vwo ọbe ijoro ọkpokpọ re se “Sing Out Joyfully” to Jehovah. Ọwan i rhe vwo yi ne, ana sabu fi ẹmro na rhẹ uvuẹn ọmudu ọwan nyoma ra so ijoro na ọke e ruẹ ogame ekrun. (Eph 5:19) Omarana, ẹhẹn ọfuanfon na ọnọ ha userhumu rẹn ọwan karorhọ aye arha dẹrughwaroghwu ebẹnbẹn. Ijoro Uvie na ina sabu ha userhumu rẹn ọwan tẹnrovi ifiẹrorhọ ọwan. Aye ina sabu yẹ ọwan uduefigbere arha dẹrughwaroghwu ebẹnbẹn. Ọke oma ọ merhen ọwan, ẹmro ri ha uvuẹn ijoro na, a lẹrhẹ ọwan “so ijoro phia ọrẹ aghọghọ” fọkiẹ omamọ erhirhiẹ ọmudu ọwan ọ havwọ. (1Ch 15:16; Ps 33:1-3) Jenẹ ọwan ephian i dabu ha ijoro Uvie na ruiruo vuọnvuọn!

NI IVIDIO NA IJORO RỌ YẸ IHWORHO RI HA EKANRON OMẸGBANHON, ORHO RU GBA KPAHENRHỌ ENỌ ENANA:

• Erhirhiẹ ọgo yọ lẹrhẹ Omizu Frost ya ijoro?

• Marhẹ ijoro ọrana o ru yẹ imizu ri ha uvuẹn ekanron obẹ ọko i Sachsenhausen uduefigbere?

• Izede egọ yẹ ijoro Uvie na ono ru ruo gbanhon?

• Ijoro Uvie na ego yi wu guọlọ rha karorhọ?