So Ijoro Jiri Jehova Rhẹ Aghọghọ

Paul ọrhẹ Silas i jiri Jehova rhẹ ijoro ọke aye a ha uvuẹn ekanron. (Ac 16:25) Itiọrurhomẹmro, ijoro ẹsuọ ọ ha userhumu rẹn aye din. Nẹ ọwan inyenana vwo? Ijoro ra ha ruẹ ogame ọrhẹ ijoro ukoko na erọrọ a sabu ha udu rhẹ ọwan aghwẹ, ji ha userhumu rẹn ọwan vwo atamwu ọke arha ha erhirhiẹ ebẹnbẹn. Ghwẹ ọrana, aye e jiri Jehova. (Ps 28:7) E jiri rie harẹn ọwan ne rhe ikeriwe ijoro na ezẹko rhẹ urhomu. Wu damoma ru te omaran ne? Ọwan ina sabu ha ogame ekrun e mwuegbe rhẹ ijoro na jeghwai yono ikeriwe ijoro na.

NI IVIDIO NA EMỌVWERHE E JIRI JEHOVA RHẸ IJORO, ORHO RU GBA KPAHENRHỌ ENỌ ENANA:

• 

  Erhumu ọgo yọ nọ sabu rhirhiẹ ye rẹn ọwan arha so ijoro Uvie na?

• 

  Marhẹ Awuiruo Ikpekporo ọrhẹ Ividio e ru mwuegbe aye ine rekọdu ijoro ra na suọ?

• 

  Marhẹ emọvwerhe ọrhẹ ekrun aye e ru mwuegbe rhẹ ijoro aye ine rekọdu?

• 

  Ego usuẹn ijoro Uvie na ya mai jo, mesoriẹ?