Karorhọ Ane i Lot

Mesoriẹ ane i Lot o ni oberhumu ọke rọ zẹ nẹ Sodom? Baibol na ọ tẹmro kpahiẹ-ẹn. (Ge 19:17, 26) Ẹmro orhetio ri Jesu ọ haphia na o djephia taghene ọkezẹko ọ karorhọ ekwakwa rọ nyajovwo. (Lu 17:31, 32) Marhẹ ọwan ine ru kẹnoma na ja rha kpare ekwerhọ Osolobrugwẹ fughwẹ jerẹ oborẹ ane i Lot o ruru? Ọwan i vwa ha uphẹn rẹn ekwakwa ugboma no rhiẹ emru ukaro uvuẹn akpenyerẹn ọwa-an. (Mt 6:33) Jesu o yonirin ọwan taghene a “sabu rhiẹ ọvrẹn harẹn Osolobrugwẹ ọrhẹ Efe-e.” (Mt 6:24) Ọrẹn, orhianẹ ọwan i mẹrenriẹnvwrurhe taghene ekwakwa ugboma a suẹ ukọ rhẹ ekwakwa erẹ ẹhẹn uvuẹn akpenyerẹn ọwan vwo? Ọwan ina sabu nẹrhomo vwe i Jehova nọ yẹ ọwan ọmẹrẹnvwrurhe re ne rhe ekete ro fori ne ru ewene, kugbe uduefigbere ọrhẹ omẹgbanhon re ne ru omaran.

KARORHỌ IVIDIO RO VWO EGHỌN ESA NA KARORHỌ ANE I LOT, ORHO RU GBA KPAHENRHỌ ENỌ ENANA:

• 

  Marhẹ ọhiẹn re ne vwo igho bunrhọ o ru hobọte iroro, ẹmro ọrhẹ irueruo i Gloria?

• Marhẹ ane i Lot o ru rhiẹ udje orhetio rẹn ọwan inyenana?

• Marhẹ uruemru-urhi i Baibol ra ha ruiruo o ru ha userhumu rẹn Joe ọrhẹ ekrun ọnẹyen?

• Marhẹ okugbe i Anna uvuẹn ekete rọ wian o ru hobọte ogame ọnẹyen?

• Mesoriẹ ọwan a guọlọ uduefigbere orhianẹ e vwo ọhiẹn ra na ha igho ruẹ emru ukaro uvuẹn akpenyerẹn ọwan?

• Marhẹ i Brian ọrhẹ Gloria i ru rharhumu fi onyerẹnkugbe aye rhẹ i Jehova rhẹ emru ukaro?

• Iruemru-urhi i Baibol ego ye wu mẹrẹnren uvuẹn ividio ọnana?