“Ẹghẹlẹ Rọ Ha Obọ Re Ne Ru Rẹn i Jehova”

Marhẹ ọwan ine ru ‘homaphia inyenana rhẹ ẹghẹlẹ rọ ha obọ re ne ru rẹn i Jehova’? (1Ch 29:​5, 9, 14) Obotọre na o vwo izede sansan ọwan ine ru djẹ aruẹ itetoro re toro, na hobọtua owian Iseri Jehova uvuẹn ukoko ọwan i havwọ ọrhẹ ọsoso akpọ na ephian.

ITETORO RE RURU UVUẸN ITANẸTI YANGHENE ERE FI RHẸ EKPETI ITETORO A HOBỌTUA:

• 

  OWIAN AKPỌ EPHIAN

  ebanbọn ọrhẹ ewian ra wian uvuẹn oghọn ukoko ọrhẹ ekete ra rhian erhianrhian

  isukuru uvie na

  era wian owian uvie na vuọnvuọn

  userhumu ra haphia ọke oghwọghọ kpregede ọrhọ phia

  ẹbe efomu, irueruo ividio, ọrhẹ ekwakwa re fiẹ rhẹ itanẹti

• 

  IGHO UKOKO SANSAN A GHWỌGHỌ

  igho ukoko ọ ghwọghọ, jerẹ erufon ọrhẹ ẹruete ọrẹ Aghwẹlẹ Uvie na

  igho ukoko na o torori ra ha vwe oghọn ukoko na:

  • ẹbọn Aghwẹlẹ Uvie ọrhẹ Aghwẹlẹ Emẹvwa uvuẹn akpọ na ephian

  • Owian Userhumu Akpọ Ephian

  • ewian akpọ ephian erọrọ

EMẸVWA ỌRHẸ EMẸVWA OKINHARIẸ

A ha igho re torori uvuẹn omẹvwa ha userhumu rẹn owian akpọ ephian. Orho ru, na ha igho re torori fọkiẹ owian akpọ ephian hẹrote emẹvwa eduado, emẹvwa oghẹnrensan, ọrhẹ emẹvwa ẹkwotọre.

A ha igho re torori rẹn okinhariẹ kwosa ekete re ruẹ emẹvwa jeghwai hẹrote aye, ọrhẹ ekwakwa erọrọ ri sekpahen owian okinhariẹ na. Ọkezẹko okinhariẹ na ọnọ sabu toro igho ro bunrun rẹn owian akpọ ephian ọrẹ Iseri Jehova.