Ọwan e Dje Ẹguọlọ Phia Nyoma ra Hobọtua Ọghwọghwu i Jehova

Re le ohworho nẹ ukoko ọ sẹrorẹ ukoko na ji ha ọghwọghwu rẹn ihworho ri vwe kwe ghwẹriẹ. (1Co 5:6, 11) Arha hobọtua ọghwọghwu i Jehova, e djephia taghene e vwo ẹguọlọ kpahen i Jehova. Marhẹ emru rọ suẹ omiamiamo rẹn ekrun ohworho re le nẹ ukoko ọrhẹ umẹ ri guẹnzọn na, o ru rhiẹ oka ẹguọlọ?

Ọrukaro, o dje ẹguọlọ rẹn odẹ i Jehova ọrhẹ evwan efuanfon enẹyen. (1Pe 1:14-16) O ji dje ẹguọlọ rẹn ohworho re le nẹ ukoko na. Dedevwo ọghwọghwu ọ miama omamọ, ọrẹn ọnọ sabu lẹrhẹ ọravwọ “mọ emamọ ufuoma ọrẹ ọvwata.” (Heb 12:5, 6, 11) Ọwan a tiẹn ọghwọghwu i Jehova erhe kwomakugbe ihworho re le nẹ ukoko yanghene ihworho ri tiomanẹ ukoko na. Karorhọ taghene i Jehova ọ ha ọghwọghwu rẹn ihworho yi “te erhirhiẹ ro fori.” (Jer 30:11) Uvwre ọke ra hobọtua ọghwọghwu i Jehova ji sẹrorẹ onyerẹnkugbe ọwan rhẹ i Jehova na, ọwan ne fiẹrorhọ taghene ohworho na ọnọ ghwẹrioma bru Ọsẹ ọwan ro vwo arodọmẹ.—Isa 1:16-18; 55:7.

NI IVIDIO NA SẸRORẸ ATAMWU RHẸ ỌSOSO ỌMUDUO, ORHO RU GBA KPAHENRHỌ ENỌ ENANA:

• 

  Omiamiamo ọgo yẹ emiemọ ri rhiẹ llele Kristi a dẹrughwaroghwẹ emọ aye i rhe nẹ ukoko na?

• 

  Marhẹ imizu ukoko na ine ru sabu hobọtua ekrun ohworho ro nẹ ukoko na?

• 

  Ikuegbe i Baibol ọgo yo djerie phia taghene o fori nẹ atamwu re vwo kpahen i Jehova ọ gbanhon ghwẹ atamwu re vwo kpahen ekrun ọwan?

• 

  Marhẹ e ru djephia taghene atamwu re vwo kpahen i Jehova ọ gbanhon ghwẹ ọrẹ e vwo kpahen ekrun ọwan?