Ọghwọghwu—Izede ri Jehova o Dje Ẹguọlọ Rẹn Ọwan

Ọghwọghwu maido o sekpahen uyono, ọrẹn o ji sekpahen ọrẹ a kpọ ohworho viẹ ọrhẹ ra ha oja riẹ ohworho. Jehova ọ ghwọghwu ọwan na sabu ga ye izede ro serhọ. (Ro 12:1; Heb 12:10, 11) Ọkezẹko, ọghwọghwu ọ miama, ọrẹn o lele fi uruemru ọvwata ọrhẹ ebrurhọ. (Pr 10:7) Me yẹ ihworho re tiobọnu ọghwọghwu ọrhẹ ihworho ra ghwọghwuẹ ina vi karorhọ?

Ọro tiobọnu ọghwọghwu. Ekpako ukoko, emiemọ, ọrhẹ awọrọ i damoma ha ọghwọghwu phia rhẹ uruemru esiri ọrhẹ ẹguọlọ jerẹ oborẹ i Jehova o ruẹ. (Jer 46:28) O fori na ha ọghwọghwu phia sekpahen erhirhiẹ na, nẹ ẹguọlọ o ji mwu ọwan haye phia.—Tit 1:13.

Ọrẹ a ghwọghwuẹ na. O fori na ha ọghwọghwu ra yẹrẹ ọwan ogege, o toro oborẹ a hariẹ phia lele-e. (Pr 3:11, 12) Re rhiẹ ihworho ri vwa gba na, ọwan ephian i guọlọ ọghwọghwu uvuẹn izede sansan. Ana sabu mẹrẹn ọghwọghwu nyoma oborẹ e seri uvuẹn i Baibol na yanghene oborẹ e rhon uvuẹn uyono. Ọkezẹko, ekpako ukoko ina sabu yẹ ọwan ọghwọghwu. Arha ha ọghwọghwu o lele fi arhọ.—Pr 10:17.

NI IVIDIO NA “IHWORHO RI JEHOVA O VWO ẸGUỌLỌ KPAHEN YỌ GHWỌGHWUẸ,” ORHO RU GBA KPAHENRHỌ ENỌ ENANA:

• 

  Marhẹ akpenyerẹn i Canon o ru tonrhọ, marhẹ akpenyerẹn yen o ru wene?

• 

  Marhẹ i Jehova o ru ha izede ẹguọlọ yẹ ye ọghwọghwu?

• 

  Me wu yono nẹ oborẹ o rhiẹromẹrẹn na?