Rhiabọ Dede Userhumu i Jehova Nyoma Ẹrhomo

Jehova yo ruie nẹ urhomẹmro na ọ sabu te ọmudu ohworho. (1Co 3:6-9) Omarana, na sabu fikparobọ uvuẹn owian aghwoghwo na, o fori na hẹroso i Jehova nọ ha userhumu rẹn ọwan ọrhẹ emọ uyono i Baibol ọwan.

Nẹrhomo vwe i Jehova nọ ha userhumu rẹn emọ uyono i Baibol enọ, nẹ aye i sabu fi ọhiẹn ọrhẹ egbanrhọ kparobọ. (Php 1:9, 10) Dabu hunute oborẹ wu guọlọre uvuẹn ẹrhomo ọnọ. Nẹrhomo vwe i Jehova nọ yọ ẹhẹn ọfuanfon na nọ kpọ iroro ọrhẹ idjaghwẹ enọ vi. (Lu 11:13) Yono emọ uyono i Baibol enọ oborẹ a nẹrhomo, jeghwai jirie rẹn aye nẹ aye i rha nẹrhomo. Lele emọ uyono i Baibol enọ nẹrhomo kugbe ji nẹrhomo rẹn aye nyoma wu ne se odẹ aye uvuẹn ẹrhomo na.

NI IVIDIO NA MẸRẸN AGHỌGHỌ UVUẸN OWIAN RE RUẸ IDIBO NYOMA WU NE RHIABỌ DEDE USERHUMU I JEHOVA—ẸRHOMO, ORHO RU GBA KPAHENRHỌ ENỌ ENANA:

• Obẹnbẹn ọgo yi Neeta ọ dẹrughwaroghwu ọke o leli Jade yono?

• Marhẹ 1 Corinthians 3:6 o ru ha userhumu rẹn i Neeta?

• Marhẹ i Neeta o ru fi obẹnbẹn na kparobọ?