FIOMA RHẸ IRUO AGHWOGHWO UVIE NA | RUẸ AGHỌGHỌ ỌNỌ UVUẸN OWIAN AGHWOGHWO NA BUNRHỌ
Ha Userhumu Rẹn Eri we Yono Tiobọnu Iruemru ri Vwa Fon
Ihworho ri vwo iruemru ri fonron ọvo yi na sabu vwo omamọ onyerẹnkugbe rhẹ i Jehova. (1Pe 1:14-16) Erẹ ọwan e yono i rhe tiobọnu erharhere uruemru, aye ina mẹrẹn erere uvuẹn ekrun aye, vwo omọkpokpọ ji sẹrorẹ igho aye.
Dabu dje rẹn aye oborẹ irhi Jehova i mevirhọ, oborẹ ọsoriẹ o jurhi na ọrhẹ erere ra mẹrẹn arha nyalele aye. Damoma ne wu ha userhumu rẹn ohworho we yono wene iroro yi ji kpare idjaghwẹ ro fori. (Eph 4:22-24) Yẹ aye imwẹro taghene rhẹ userhumu i Jehova, aye ina sabu tiobọnu iruemru ri tanbọ mwu otọre dede. (Php 4:13) Yono aye nẹ aye i rẹ i Jehova uvuẹn ẹrhomo, nọ ha userhumu rẹn aye orhianẹ aye i dẹrughwaroghwu ọhiẹn. Ha userhumu rẹn aye rhe erhirhiẹ edamuni ro fori nẹ aye i kẹnoma riẹn. Jirie rẹn aye nẹ aye i ha obọdẹn irueruo wene erharhere iruemru. Wu na ghọghọ wu rha mẹrẹn eri we yono re ruẹ ewene nyoma userhumu i Jehova.
NI IVIDIO NA HA USERHUMU RẸN EMỌ UYONO I BAIBOL ENỌ TIOBỌNU IRUEMRU RI VWA FON, ORHO RU GBA KPAHENRHỌ ENỌ ENANA:
Marhẹ ekpako ukoko na ọrhẹ i Neeta i ru djephia taghene aye i hẹroso i Jade?
Izede ọrọrọ ọgo yi Neeta o ru ha userhumu rẹn i Jade?
Marhẹ i Jade o ru nekpẹn userhumu mie i Jehova?