FIOMA RHẸ IRUO AGHWOGHWO UVIE NA | RUẸ AGHỌGHỌ ỌNỌ UVUẸN OWIAN AGHWOGHWO NA BUNRHỌ
Ha Userhumu Rẹn Eri we Yono Vwo Omamọ Onyerẹnkugbe Rhẹ i Jehova
Jehova ọ guọlọre na ga ye fọkiẹ ẹguọlọ re vwo kpahiẹn. (Mt 22:37, 38) Ẹguọlọ rẹ emọ uyono i Baibol i vwo kpahen Osolobrugwẹ yo no mwu aye ruẹ ewene ra guọlọre ji mevigbanhon udabọ edamuni. (1Jo 5:3) Ẹguọlọ aye i vwo kpahen Osolobrugwẹ yo no mwu aye bromarhame.
Ha userhumu rẹn eri we yono mẹrẹnvwrurhe taghene i Jehova o vwo ẹguọlọ kpahen aye. Nọ aye enọ jerẹ: “Me yẹ ọnana o yoniruon kpahen i Jehova?” yanghene “Marhẹ ọnana o ru djephia taghene Osolobrugwẹ o vwo ẹguọlọ kpahuọn?” Ha userhumu rẹn aye mẹrẹn oborẹ i Jehova o ru ha userhumu rẹn aye owuowọnwan. (2Ch 16:9) Ta rẹn aye kpahen oborẹ i Jehova o ru kpahenrhọ ẹrhomo ọnọ, ji ha urhebro rẹn aye nẹ aye i rha djokarhọ oborẹ i Jehova o ru kpahanrhọ ẹrhomo aye. A mẹrẹn aghọghọ ọduado arha mẹrẹn ere yono re rhiabọ dede ẹguọlọ i Jehova ji djephia taghene aye i vwo ẹguọlọ kpahiẹn.
NI IVIDIO NA HA USERHUMU RẸN EMỌ UYONO I BAIBOL ENỌ VWO OMAMỌ ONYERẸNKUGBE RHẸ I JEHOVA, ORHO RU GBA KPAHENRHỌ ENỌ ENANA:
Ọgbanrhọ ọgo yi Jade ọ dẹrughwaroghwu?
Marhẹ i Neeta o ru ha userhumu rẹn i Jade?
Marhẹ i Jade o ru fi ọgbanrhọ na kparobọ?