Wu Mwuegbe Oborẹ wu ne ru ne Ozighi Ọrhọ Homaphia?

Rẹ akpọ ọnana o riẹ ehion ne na, ọwan i rheri taghene ozighi, illogbozighi ọrhẹ uvweri ni ne bunrhọ. (Re 6:4) Marhẹ ene ru mwuegbe hẹrhẹ ebẹnbẹn ra sa obaro na?

• Sẹrorẹ onyerẹnkugbe ọnọ rhẹ i Jehova: Djokarhọ iruemru-urhi Baibol ọrhẹ ikuegbe i Baibol ri na lẹrhẹ ẹruẹhaso wu vwo kpahen i Jehova ọrhẹ ukoko ọnẹyen gbanhonrhọ, ri na ji ha userhumu wẹn je vwobọrhọ ozighi na. (Pr 12:5; jr 125-126 ¶23-24) Ọnana yẹ ọke ro fo na bọn omamọ onyerẹnkugbe rhẹ imizu ukoko na.—1Pe 4:7, 8

• Mwuegbe oma: Mwuegbe ekete wu na sabu rhirhiẹ ọrhẹ ekwakwa ri na sẹrorẹ arhọ ọnọ. Habaye, ji vwo irorẹdjẹ kpahen oborẹ wu na zẹ vabọ lele. Rhe nẹ ẹkpa wu na sabu kpare ogege ọke ephian, ne wu fi ekwakwa ri na sabu sẹroruọ kugbe igho rhọye. Rhe oborẹ wu ne ru se ekpako ukoko ọnọ, ji damoma nẹ aye i rhe ekete wu havwọ.—Isa 32:2; g17.5 3-7

Uvwre ọke ozighi na, rhe ji vwobọrhọ ẹkwaphiẹrhotọre ogame i Jehova. (Php 1:10) Wu vwa kpare nya odedede-e, jokpanẹ wa zẹ riẹ ekete omefuon. (Mt 10:16) Ghalẹ emaren ọrhẹ ekwakwa erọrọ rẹn awọrọ.—Ro 12:13.

NI IVIDIO NA WU MWUEGBE HẸRHẸ OGHWỌGHỌ KPREGEDE NE? ORHO RU GBA KPAHENRHỌ ENỌ ENANA:

• Marhẹ i Jehova ono ru sabu ha userhumu rẹn ọwan ọke oghwọghọ kpregede?

• Me ya na sabu ru ha mwuegbe rhotọre?

• Marhẹ wu ne ru ha userhumu rẹn awọrọ rẹ oghwọghọ kpregede ọ phia rẹn aye?