ENYERẸN ILELE KRISTI

Wu Mwuegbe Hẹrhẹ Akpenyerẹn Ọgbogbanhon ne?

O vwo gbe ọwan unu ọke ra mẹrẹn oborẹ erhirhiẹ akpọ na ro wene ọ lẹrhẹ ekwakwa gbanhanrhọ-ọ. Mesoriẹ? Fọkime e nyerẹn uvuẹn ehion ẹdẹ ri koba na, Baibol na ọ ji ha orhetio rẹn ọwan na ja rha hẹroso “efe ro no jo rhirhiẹ ye bẹmẹdẹ.” (1Ti 6:17; 2Ti 3:1) Me yẹ udje Orodje Jehoshaphat ọnọ sabu yono ọwan kpahen ọrẹ ene mwuegbe hẹrhẹ akpenyerẹn ọgbogbanhon?

Jehoshaphat ọ hẹroso i Jehova ọke egbamwa ri rhiẹ evwreghrẹn yen a djofẹn mwuie. (2Ch 20:9-12) Ọ ji kpare idjaghwẹ ẹghwanren ro mwuegbe agbamwa na rhotọre, nyoma o ruẹ emwa na gbanhon ji bọn ọko isodja ine rhirhiẹ. (2Ch 17:1, 2, 12, 13) Jerẹ Jehoshaphat, o fori na hẹroso i Jehova ji mwuegbe rhotọre hẹrhẹ ọke egbogbanhon.

ME YA NA SABU RU NE MWUEGBE RHOTỌRE HẸRHẸ ỌKE EGBOGBANHON?

Bọn onyerẹnkugbe ọnọ rhẹ i Jehova gbanhon: Vwo uruemru otemẹ ji hẹroso i Jehova taghene ọnọ hẹrote edamẹ enọ ẹdẹ owuowu. (Mt 6:26; 1Ti 6:8) Brorhiẹn wu na ja sẹrerhumuji iruemru-urhi Baibol fọkiẹ edamẹ enọ. (Ro 2:21) Roro kpahen oborẹ i Baibol na ọrhẹ ẹbe ukoko na ine ru te obọ orhianẹ ikpẹ ọrhẹ itanẹti a havwiẹ-ẹ. Sẹrorẹ ẹbe ukoko na ezẹko re fomu phia yanghene danlodu aye rhẹ ifonuo ọrhẹ ikọmputa rhotọre.

Mwuegbe ọrẹ ugboma: Kẹnoma rẹn osẹriọ ọrhẹ igho ẹghwọghọ odedede bọmọke ebẹnbẹn ina ki homaphia. (Pr 22:7) Orho rhiẹ oborẹ wu na sabu ru, sẹrorẹ uchunu emaren ọrhẹ ekwakwa wu vi guọlọ rhotọre. Ihworho ezẹko i vwo ibiẹ ogba rẹ aye a wọ ẹbe rhọ neneyo aye i ja rha ghwọghọ igho phan.

NI IVIDIO NA WU MWUEGBE HẸRHẸ OGHWỌGHỌ KPREGEDE NE? ORHO RU GBA KPAHENRHỌ ENỌ ENANA:

Ifoto ro nẹ ividio na “Wu Mwuegbe Hẹrhẹ Oghwọghọ Kpregede ne?” Ifoto na o dje i Baibol, ẹkpa ọrhẹ ifonu, kugbe ihworho ra wian owian ebanbọn.

Me yẹ owuowọnwan ọnọ sabu ru no mwuegbe hẹrhẹ oghwọghọ kpregede?

Ẹkpahenrhọ ọnọ

Ifoto ro nẹ ividio na “Wu Mwuegbe Hẹrhẹ Oghwọghọ Kpregede ne?” Imizu ra ha userhumu phia bọn ebanbọn ji kpare ekwakwa nẹ imoto ọduado owu.

Marhẹ ene ru mwuegbe na sabu ha userhumu rẹn awọrọ?

Ẹkpahenrhọ ọnọ