Ha Ekwakwa ra Phia Ruiruo Uvuẹn Owian Aghwoghwo na

Ọke i Jesu o ghwoghwo, ọ ta kpahen ekwakwa ra phia ọke ọrana. (Lu 13:1-5) Wu na ji sabu lẹrhẹ ihworho vwo oruru kpahen iyẹnrẹn esiri Uvie na nyoma wu na ta kpahen ekwakwa ra phia. Jerẹ udje, wu rha ta rẹn ohworho kpahen oborẹ ekwakwa i ghanren te, ukpokpogho rọ homaphia, uvweri, ihworho ra ha imwu egbogbanhon, yanghene ekwakwa erọrọ, gba nọ ọravwọ onọ rọ nọ lẹrhiẹ roro. Wu na sabu nọ: “Wu rorori taghene ẹdẹ owu ana mẹrẹn oba rẹn . . . ?” yanghene “Me wu rorori taghene yọ nọ sabu fioba rhẹ . . . ?” Orho ru gbe se ekete i Baibol ro serhọ rhẹ ẹmro are a ta kpahan na. Ohworho na orho dje omamerhomẹ phia, gbe dje ividio yanghene ọbe owu riẹn usuẹn Ekwakwa ra ha Yono Ihworho na. Rẹ ọwan a damoma nẹ ẹmro ọwan o te ọmudu ihworho re ghwoghwo riẹn na, jene “ru kemru kemru fọkiẹ iyẹnrẹn esiri na.”—1Co 9:22, 23.

Irhomu-ẹmro ego yi na mai je ihworho uvuẹn ekogho ọnọ?