Orọnmo​—Okugbe rọ tọ Rara

Orọnmo Ilele Kristi re fiẹkparobọ, a ha ujiri vwe i Jehova, ọ ji rhua aghọghọ vwe esa ọrhẹ ane na. (Mr 10:9) Nẹ Ilele Kristi i sabu vwo orọnmo omamerhomẹ rọ nọ tọ, aye ina vi nyalele iruemru-urhi Baibol ọke aye a guọlọ ohworho aye ina rọnmọ.

O fori ne wu vrẹn ọke “oruru ehware iphuphẹn” vwẹre ne wu ki guọlọ ohworho wu na rọnmọ, fọkime uvwre ọke ọrana, oruru ehware ọnọ sabu mwuo brorhiẹn ri sọre. (1Co 7:36) Ha uvwre ọke wu vwa ji rọnmọ na bọn onyerẹnkugbe ọnọ rhẹ i Jehova gbanhon, ne wu ji vwo emamọ uruemru Olele Kristi. Ọke ọrana, ne wu na sabu toroba orọnmo ro vwo omamerhomẹ.

Bọmọke wu ne ki kwe taghene wu na rọnmọ ohworho, o fori ne wu dabu rhe kpahen aruẹ ohworho rọ ‘havwọ uvuẹn ọmudu.’ (1Pe 3:4) We rhe vwo iroro eveva, lele ọrẹ wa guọlọ rọnmọ na ta kpahiẹn. Jerẹ oborẹ ọ havwọ uvuẹn onyerẹnkugbe erọrọ, orọnmo o sekpahen ọrẹ a ha edamẹ ohworho ra rọnmọ na karo rẹn erẹ ọwan. (Php 2:3, 4) Wa rha ha iruemru-urhi Baibol ruiruo wu ki rọnmọ, nọyẹ we mwuegbe hẹrhẹ akpenyerẹn orọnmo rẹ omamerhomẹ ono rhirhiẹ.

NI IVIDIO NA RE MWUEGBE HẸRHẸ ORỌNMO​—OBỌRẸ 3: ‘RORO OBORẸ O MWURUN,’ ORHO RU GBA KPAHENRHỌ ENỌ ENANA:

• Marhẹ onyerẹnkugbe omizu ọmase na ọrhẹ Shane o ru nya riobaro?

• Me yẹ omizu ọmase na ọ djokarhọ uvuẹn onyerẹnkugbe aye?

• Marhẹ eri vwiẹ omizu ọmase na i ru ha userhumu riẹn, orhienbro ẹghwanren ọgo yo bruru?