ENYERẸN ILELE KRISTI
Jehova ọ sa Ọwan Erhumu Nyerẹnghele Ebẹnbẹn Ọwan
Uvuẹn ẹdẹ ri koba enana, a dẹrughwaroghwẹ erhirhiẹ egbogbanhon buebun. Ọkezẹko, ana sabu rhe roro taghene ebẹnbẹn na i vrẹn oborẹ ana sabu din. Ọrẹn, arha ha ọke ephian tiẹkẹrẹ i Jehova, ọnọ ha userhumu rẹn ọwan vwo edirin ebẹnbẹn ri mai gbanhon dede. (Isa 43:2, 4) Marhẹ ene ru tikẹrẹ i Jehova ọke ra dẹrughwaroghwẹ ebẹnbẹn?
Ẹrhomo. Arha ta ọsoso ẹhẹn ọwan rẹn i Jehova uvuẹn ẹrhomo, nọ yẹ ọwan ufuoma ọrhẹ omẹgbanhon na sabu vwo edirin.—Php 4:6, 7; 1Th 5:17.
Uyono Ẹnya. Ọkpọvi ra haphia uvuẹn uyono ọrhẹ okugbe ra mẹrẹn avwaye, i ghanren rẹn ọwan omamọ ọke ọnana vrẹn ọke bi. (Heb 10:24, 25) Erhe mwuegbe jeghwai vwobọrhọ uyono ukoko, nọyẹ ọwan e rhiabọ dede userhumu ẹhẹn ọfuanfon i Jehova.—Re 2:29.
Aghwoghwo. Erhe vwobọrhọ owian aghwoghwo na ọke ephian, na na sabu tẹnrovi ekwakwa irhorhomu. Onyerẹnkugbe ọwan rhẹ i Jehova ọrhẹ imizu re lele wian kugbe, nọ nọ kpẹnkpẹnrhọ.—1Co 3:5-10.
NI IVIDIO NA JEHOVA ỌNỌ HẸROTO, ORHO RU GBA KPAHENRHỌ ENỌ ENANA:
Me yọ ha userhumu rẹn Omizu Malu daji kẹrẹ i Jehova uvwre ọke ebẹnbẹn yen?
Jerẹ Omizu Malu, marhẹ ẹmro ri ha Psalm 34:18 ine ru ha userhumu rẹn ọwan ọke ebẹnbẹn?
Marhẹ udje Omizu Malu o ru djephia taghene Jehova ọ yẹ ọwan “omẹgbanhon rọ vrẹn ovwan” ọke ebẹnbẹn?—2Co 4:7