ENYERẸN ILELE KRISTI
Aye a Wian Gbanhan nẹ Aye i Sabu ga Ọwan
Iniruo okinhariẹ ọrhẹ ene aye e dje uruemru omẹhakpahontọre ọrhẹ ẹguọlọ rẹn imizu ri ha ukoko aye e kiẹn. Jerẹ ọwan ephian, aye i ji vwo edamẹ omobọ, ọkezẹko oma ọ rhọ aye, ẹhẹn aye o seriotọre yanghene aye e vwo ọfiamu. (Jas 5:17) Udabọ erana, kọkprughwre kọkprughwre aye a tẹnrovi oborẹ aye ine ru ha urhebro rẹn imizu uvuẹn ukoko aye e kiẹn na. Iniruo okinhariẹ i ghini mwuovwan ‘ọghọ okokodo.’—1Ti 5:17.
Ọke ọnyikọ Paul o mwuegbe ro no riẹ i Rome neneyo ọ sabu “tiobọnu ẹghẹlẹ ro nẹ obẹ Osolobrugwẹ rhe rẹn” imizu ri ha oboran, no ji fiẹrorhọ taghene aye ina “bọn omoma aye gbanhon.” (Ro 1:11, 12) Wu roro kpahen izede wu ne ru sabu ha urhebro rẹn oniruo okinhariẹ are ọrhẹ aniẹ orhianẹ ọ rọnmọ ne?
NI IVIDIO NA AKPENYERẸN ONIRUO OKINHARIẸ UVUẸN AMWA RO VWO RHIE, ORHO RU GBA KPAHENRHỌ ENỌ ENANA:
Izede ego yẹ iniruo okinhariẹ ọrhẹ ene aye e ru dje uruemru omẹhakpahontọre ọrhẹ ẹguọlọ rẹn ukoko na?
Marhẹ wu ru mẹrẹn erere omobọ ne nẹ omẹdamu aye?
Marhẹ ene ru ha urhebro rẹn aye?