Mwuegbe Ọmuduo

Ọwan e yono i Baibol na, fọkime a gwọlọre nẹ iroro i Jehova ọ hobọte ọmudu ọrhẹ ojemẹ ọwan. Ezra o dje udje ọnana phia, ọke ro ‘mwuegbe ọmuduie ro no yono kpahen Urhi Jehova.’ (Ezra 7:10) Marhẹ ene ru mwuegbe ọmudu ọwan?

Nẹrhomo. Kiki nẹrhomo vwẹre, bọmọke wu na ki tuẹn uyono i Baibol rhọ. Rẹ i Jehova nọ ha userhumu wẹn vwẹruọ oborẹ we yono, ji haye ruiruo.—Ps. 119:​18, 34.

Vwo uruemru omeriotọre. Osolobrugwẹ o tiẹ urhomẹmro na nẹ harẹn ihworho ra kparoma, ri ji hẹroso irherhe aye. (Luke 10:21) Habaye, o fo ne yono kodorhọ fọkime a gwọlọre nẹ awọrọ i jiri ọwa-an. Vwo omeriotọre wene iroro ọnọ, wu rha mẹrẹnvwrurhe taghene ọ kparehaso ọrẹ Osolobrugwẹ.

Rha damoma kerhọ ijoro ukoko na. Ijoro o vwo omẹgbanhon rọ nọ hobọte ọmudu ọwan, ji mwuegbe ọwan na ha ẹga rẹn i Jehova. Wu rha kerhọ ijoro ukoko na bọmọke wu ki tuẹn uyono rhọ, ọnọ ha userhumu wẹn mwuegbe ọmuduo.