Jesu Ono Fioba Rhẹ Irueruo Ọkon

Jesu o vwẹruọ oborẹ oma o ruẹ ohworho ọrhọ rioja fọkiẹ irueruo ọkon ọrhẹ osehiẹn. A mọrenfian banriẹn, e gbe urhi ghwu kpe yi, a haye guẹnzọn izede ro vwo serhọ, e brorhiẹn kpe yi izede rọ sọre, ji ha oja riẹ e ki kpe yi hwu. Dedevwo o ruẹ oborẹ ọsọre-e, ọ homakpahontọre ji “ha arhọ ye ruẹ otan fọkiẹ ihworho buebun.” (Matthew 20:28; John 15:13) Vwana ro rhiẹ Orodje Uvie Osolobrugwẹ ne na, ono brorhiẹn ọsoso uvuẹn ọsoso akpọ na phẹrẹkpẹ, ji fioba rhẹ irueruo ọkon bẹmẹdẹ.​—Isaiah 42:3.

Baibol na o dje oborẹ akpọ na ono rhirhiẹ ọke i Jesu ọrhọ kpare idjaghwẹ ne:

• “Evwọkon na i rhe rhirhiẹ ye-e; wu rhe ni ekete aye e rhirhiẹ, wu rha mẹrẹn aye-e. Ọrẹn ihworho dẹndẹn ina ha akpọ na riuku, aye ni na mẹrẹn obọdẹn omamerhomẹ uvuẹn ufuoma ro gbephe.”​—Psalm 37:​10, 11.

Marhẹ ene ru dje ọdaremẹro ọwan phia kpahen ọsoso oborẹ i Jesu o ru ne ọrhẹ oborẹ ono ru rẹn ọwan obaro na phẹrẹkpẹ? Izede owu yẹ ọrẹ ene yono rhọ kpahen “iyẹnrẹn esiri Uvie Osolobrugwẹ,” ro rhiẹ oborẹ o ghwoghwo kpahen. (Luke 4:43) Se urhomu-ẹmro na “What Is the Kingdom of God?”