Jesu Ono Fioba Rhẹ Upheri

Ọke i Jesu ọ ha otọrakpọ na, o dje ẹgwọlọ okokodo ro vwo kpahen ihworho phia, te erhirhiẹ rọ ha arhọ ye kpahontọre rẹn aye. (Matthew 20:28; John 15:13) Phẹrẹkpẹ, ọnọ rharhumu dje ẹgwọlọ ro vwo kpahen ihworho phia nyoma rọ nọ ha omẹgbanhon usun ọnẹyen jerẹ Orodje Uvie Osolobrugwẹ “fioba rhẹ ipheri uvuẹn otọrakpọ na ephian.”​—Psalm 46:9.

Djokarhọ oborẹ i Baibol na ọ ta kpahen oborẹ i Jesu ono ruo:

• “Ono simi ivwiegbere ra nekpẹn userhumu, omaran ji te ihworho dẹndẹn ọrhẹ eri vwe vwo ọrọ nọ ha userhumu rẹn aye. Ono gbe arodọmẹ rẹn ihworho dẹndẹn ọrhẹ ivwiegbere na, ono simi arhọ ivwiegbere na. Ono simi aye nẹ abọ ihworho re sehiẹn aye ọrhẹ ozighi.”​—Psalm 72:​12-14.

Marhẹ ene ru dje ọdaremẹro ọwan phia kpahen oborẹ i Jesu o ru ne ọrhẹ oborẹ ono ru rẹn ọwan obaro na phẹrẹkpẹ? Izede owu yẹ ọrẹ ene yono rhọ kpahen “iyẹnrẹn esiri Uvie Osolobrugwẹ,” ro rhiẹ oborẹ i Jesu o ghwoghwo kpahen. (Luke 4:43) Se urhomu-ẹmro na “Me yẹ Uvie Osolobrugwẹ?”