Ọmo Ọyẹ Osolobrugwẹ Urhomẹmro Na?

Osolobrugwẹ urhomẹmro owu ọvo ọye ọ havwiẹ. Odẹ ye i Jehova. (Ijoro-Ujiri 83:18) Ọye Ohworho ẹhẹn. Avwa sabu mẹriẹ-ẹn. O vwẹ ẹguọlọ kpahẹn ọwan, ọje guọlọ nẹ ọwan i vwẹ ẹguọlọ kpahiẹn. Omaran ọje guọlọ nẹ ọwan i vwẹ ẹguọlọ kpahẹn ereva ọwan. (Matiu 22:35-40) Ọye ọrọ maido, ọrọ mẹ kemrukemru.

Emru ukukaro Osolobrugwẹ ọkeke ma ọyẹ ohworho ẹhẹn rọ doro mamọ, re me rhe rhẹ i Jesu Kristi ukperhumu na. Jehova ọje mẹ emakashe.

Jehova ọ mẹ kemrukemru re ha obẹ odjuwu . . . rhẹ akpọ na. Oghwolophia 4:11

Jehova Osolobrugwẹ nọ mẹ ikereti ọrhẹ akpọ kugbẹ kemrukemru re ha uvuien.—Jẹnẹsis 1:1.

Ọye nọ mẹ Adam, ọhworhare ukukaro, nẹ uvuẹn eyẹn otọre na rhe.—Jẹnẹsis 2:7.