Kẹnoma Rẹn Imwofẹn Re Ha Uvuẹn Itanẹti

OBORẸ ỌSORIẸ ỌGHANREN: Jerẹ ekwakwa buebun ra ha ruiruo, itanẹti ọnọ sabu ha userhumu phia yanghene suẹ ẹkuọn. Ilele Kristi ezẹko i djẹ odjẹ aye ina ja ha eghọn ezẹko uvuẹn itanẹti ruiruo. Ọrẹn, erọrọ a ha aye ruiruo, nẹ aye i sabu nekpẹn ekrun ọrhẹ igbehian aye. Ọrẹn, Dẹbolo ọ guọlọre taghene a ha itanẹti ruiruo izede ro vwo serhọ, rọ nọ sabu biomu odẹ ọwan jeghwai lẹrhẹ onyerẹnkugbe ọwan rhẹ i Jehova seriotọre. Jerẹ i Jesu, ọwan ina sabu ha iruemru-urhi ri ha uvuẹn Ẹmro Osolobrugwẹ djokarhọ imwofẹn na jeghwai kẹnoma rẹn aye.—Lu 4:4, 8, 12.

IMWOFẸN RA NA KẸNOMA RIẸN:

• Ra ghwọghọ ọke rhẹ itanẹti phan. Ra ghwọghọ ọke buebun uvuẹn itanẹti yanghene rhẹ ikpekporo ọrhẹ ughe, ọnọ sabu ha ọke ọwan ina ha wian uvuẹn ogame i Jehova

  Iruemru-urhi i Baibol: Eph 5:15, 16; Php 1:10

• Re ni ekwakwa ri vwe serhọ. Re nẹ ifoto ri vwe serhọ, ọnọ sabu lele fiẹ ọrẹ ene ni ifoto yanghene ughe ihworho ri banfirhọ yanghene vwobọrhọ ọfanrhiẹn. Re se iyẹnrẹn inyikọ efian yanghene iyẹnrẹn kpahen ihworho ri ha uvuẹn itanẹti ọnọ sabu lẹrhẹ esegburhomẹmro ọwan seriotọre

  Iruemru-urhi i Baibol: Mt 5:28; Php 4:8

• Re fiẹ ẹmro yanghene ifoto ri vwe serhọ rhẹ itanẹti. Fọkime ọmudu na ọ vuọnren rhẹ ọphiẹrhọ, ọnọ sabu lẹrhẹ ohworho fiẹ ẹmro yanghene ifoto ri vwe serhọ rhẹ itanẹti. Riobarorhọ, ọnana ọnọ sabu biomu omamọ uruemru ohworho o vwori yanghene lẹrhẹ esegburhomẹmro ọnẹyen seriotọre

  Iruemru-urhi i Baibol: Ro 14:13; Eph 4:29

NI IVIDIO NA HA ITANẸTI RUIRUO RHẸ ẸGHWANREN, ORHO RU, GBA TA KPAHEN OBORẸ ENE RU KẸNOMA RẸN ERHIRHIẸ ENANA: