UYONO 6

Dabu dje fiotọre oborẹ ọsoriẹ we se ekete i Baibol

John 10:33-36

OBORẸ ENE RUO: Wu ki riẹ ihwẹnmro ọrọrọ, dabu dje ekete i Baibol wu seri fiotọre. Jenẹ o mwuo ẹro taghene ihworho ra kerhọ na i mẹrẹn izede rẹ ekete i Baibol wu seri na o ru surhobọmwu ẹmro wa ta na.

OBORẸ ENE RUIE LELE:

Hunute ẹmro kirighwo. Wu rhe se ekete i Baibol hin, hunute eghwẹmro uvuẹn ekete wu seri na ri rionbọrhọ ẹmro wa ta na. Wu na sabu ruẹ ọnana nyoma wu na rharhumu hunute ẹmro kirighwo ri ha ekete wu seri na yanghene nọ enọ ri na lẹrhẹ ihworho ra kerhọ na guọlọ ẹmro enana.

Wu rha ha ẹmro erọrọ dje oborẹ ekete wu seri na o mevirhọ, jenẹ o mwuo ẹro taghene otu na i sabu mẹrẹn oborẹ ẹmro wu ha ruiruo na i ru surhobọmwu ekete i Baibol wu seri na.
Kanrunumwu ihwẹnmro na. Wu rhe se ekete i Baibol, dje oborẹ ihwẹnmro ri ha ekete wu seri na o ru hobọtua oborẹ ọsoriẹ we se ekete na.

Rhie i Baibol na firhọ ọke wa ta kpahen ekete wu seri na. Ọnana ọnọ ha userhumu rẹn otu na sabu rhe onyerẹnkugbe rọ ha uvwre ekete wu seri na ọrhẹ ẹmro wa ta na.
Surhu ekete wu seri na mwu ẹmro na izede rọ lọhọre. O fo ne wu tẹmro kpahen ekwakwa ri vwe surhobọmwu oborẹ wu bọn ẹmro na kpahe-en. Dabu rhe oborẹ wu na ha ba ẹmro na neneyo otu na i sabu vwẹruọ ye, nyoma wu ne roro kpahen oborẹ aye i rhe ne.