20 Musee fi Aaronis yeruma sana akkuma Yihowaan isaan ajaje godhan. Innis Faraʼoonii fi tajaajiltoota isaa duratti ulicha ol fuudhee bishaan isa Laga Abbayyaa keessa jiru ni rukute; bishaan lagicha keessa jiru hundis gara dhiigaatti jijjiirame.+

6 Kanaafuu, Aaron harka isaa bishaanota Gibxii irratti ni diriirse; raachawwanis ol baʼuu fi biyya Gibxii uwwisuu jalqaban.

17 Isaanis akkanuma ni godhan. Aaron harka isaa isa ulee ittiin qabate diriirsee awwaara lafaa rukute; bookeewwanis namaa fi horii irratti namʼan. Awwaarri lafa irraa hundis guutummaa biyya Gibxii keessatti bookee taʼe.+

6 Yihowaanis guyyaa itti aanutti akkanuma ni godhe; akaakuun horii warra Gibxii hundis duduʼuu jalqaban;+ horii warra Israaʼel keessaa garuu tokko illee hin duune.

10 Kanaafuu, isaan iddoo ibiddaatii cilaattii fuudhanii Faraʼoon dura dhaabbatan; achiis Museen cilaattii sana qilleensa keessatti bittinneesse; innis namaa fi horii irratti dhiitoo malaa qabate taʼe.

23 Kanaafuu, Museen ulee isaa gara samiitti diriirse; achiis Yihowaan kakawwee fi cabbii ni erge; ibiddis* lafa irratti ni buʼe; Yihowaan biyya Gibxii irratti cabbiin roobuu isaa akka itti fufu ni godhe.

12 Yihowaanis Museedhaan, “Awwaannisni biyya Gibxii irratti dhufee biqiltoota biyyattii hundumaa fi wanta cabbicha irraa hafe hundumaa nyaatee akka fixuuf, harka kee biyya Gibxii irratti diriirsi” jedhe.

21 Achiis Yihowaan Museedhaan, “Biyya Gibxii irratti dukkanni, jechuunis dukkanni cimaan waanuma harkaan qaqqabamu fakkaatu akka taʼuuf harka kee gara samiitti diriirsi” jedhe.