6 Sana booda Yihowaan akkana jedhe: “Kunoo, namoonni kun tokkummaa qabu; qooqni isaaniis tokko dha;+ isaan wanta kana gochuu jalqabaniiru. Wanta gochuuf yaadan kana akka hin raawwanne wanti isaan dhowwuu dandaʼu hin jiru. 7 Mee achitti gad buunee akka isaan qooqa walii isaanii hin hubanneef, qooqa isaanii waliin haa dhoofnu.”+

19 Yeroo kanatti Yoseef akkana isaaniin jedhe: “Hin sodaatinaa. Ani iddoo Waaqayyoon jiraa? 20 Isin kana kan gootan na miidhuuf yoo taʼe iyyuu,+ Waaqayyo garuu akkuma harʼa gochaa jirutti wanta gaariitti jijjiireera; lubbuu namoota hedduu oolchuufis itti fayyadameera.+

30 Ogummaan, hubannaan yookiin gorsi Yihowaa mormu gatii hin qabu.+

35 Jiraattonni lafaa hundi homaatti iyyuu hin lakkaaʼaman; inni raayyaa samii fi jiraattota lafaa gidduutti akkuma fedhii isaatti ni hojjeta. Isa* dhowwuus taʼe, ‘Maal gochuu kee ti?’+ isaan jechuu kan dandaʼu hin jiru.+

38 Kanaafuu, amma ani isiniin nan jedha, namoota kana gadhiisaa malee homaa hin godhinaa. Sababiin isaas, yaadni kun yookiin hojiin kun namoota biraa yoo taʼe ni bada; 39 Waaqayyo biraa yoo taʼe garuu isaan balleessuu hin dandeessan.+ Taʼuu baannaan, Waaqayyoo wajjin wal loluu dandeessu.”+