8 “Namni tokko yommuu cidha gaaʼelaa irratti si affeeru iddoo hunda irra caalu hin taaʼin.+ Tarii namni si caalaa bakka guddaa qabu affeeramee taʼuu dandaʼa. 9 Achiis namichi lamaan keessan affeere sun dhufee, ‘Iddoo kana nama kanaaf gadhiisi’ siin jedha. Atis qaanoftee dhaqxee iddoo hunda caalaa gad aanaa taʼe teessa. 10 Haa taʼu malee, yommuu affeeramtu namichi si affeere sun dhufee, ‘Michuu koo, iddoo ol aanutti ol siqi’ akka siin jedhutti, dhaqiitii iddoo hunda caalaa gad aanaa taʼe taaʼi. Achiis namoota sii wajjin affeeraman hunda duratti ulfina argatta.+

5 Haaluma wal fakkaatuun, isin dargaggoonni jaarsoliidhaaf bitamaa.+ Walitti dhufeenya walii wajjin qabdaniin hundi keessan gad of qabuu uffadhaa;* sababiin isaas, Waaqayyo warra of tuulan ni morma, warra gad of qabaniif garuu gaarummaa guddaa ni kenna.+