16 Loltoonni sun gara mooraa sanaatti, jechuunis gara mana bulchaa sanaatti erga isa geessanii booda loltoota hunda walitti qaban.+ 17 Achiis uffata bifa dhiilgee itti uwwisan; qoree irraas gonfoo dhaʼanii mataa isaa irra kaaʼan; 18 achiis sagalee guddaadhaan, “Yaa Mootii Yihudootaa, nagaan siif haa taʼu!”+ isaan jechuu jalqaban. 19 Akkasumas ulee shomboqqootiin mataa isaa rukutan, itti tufan, jilbeenfataniis isaaf sagadan. 20 Dhuma irrattis erga itti qoosanii booda, uffata bifa dhiilgee sana irraa baasanii uffata isaa deebisanii itti uwwisan. Achiis muka irratti isa fannisuuf fuudhanii deeman.+