17 Kanaafuu, nuti ijoollee yoo taane dhaaltota, jechuunis dhaaltota Waaqayyoo ti; haa taʼu malee, kan dhaallu Kiristoosii wajjini,+ isaa wajjin yoo dhiphanne+ isaa wajjin ulfina ni arganna.+

29 Kana malees, isin kan Kiristoos yoo taatan, dhuguma sanyii Abrahaam+ warra waadaa isaaf galame+ dhaaltani dha.+

13 Haa taʼu malee, isinis dubbii dhugaa, jechuunis misiraachoo waaʼee fayyina keessanii ibsu erga dhageessanii booda isa abdattaniittu. Erga amantanii boodas karaa isaa, hafuura qulqulluu isa abdachiifame sanaan chaappaan isinitti godhameera;+ 14 inni dhaala keenyaaf dursee akka qabdiitti kan kenname+ yeroo taʼu, warra qabeenya Waaqayyoo+ taʼan furiidhaan+ bilisa baasuudhaan ulfina guddaa isaaf argamsiisa.