Miikiyaas
4 Guyyoota dhumaatti,
Gaarri mana Yihowaa+
Fiixee gaarotaa gararraatti jabaatee ni dhaabbata,
Tabbawwanii olittis ol ni kaafama,
Namoonnis gara isaatti ni yaaʼu.+
2 Saboonni hedduunis dhaqanii akkana jedhu:
“Kottaa, gara gaara Yihowaatti,
Gara mana Waaqa Yaaqoobitti ol haa baanu.+
Inni waaʼee karaawwan isaa nu barsiisa,
Nutis daandiiwwan isaa irra ni deemna.”
Sababiin isaas, seerri* Xiyoon keessaa,
Dubbiin Yihowaas Yerusaalem keessaa ni baʼa.
3 Inni namoota hedduu gidduutti murtii ni kenna,+
Dhimmoota saboota jajjaboo fagoo jiraniitiifis furmaata ni argamsiisa.
Isaan goraadee isaanii tumanii gara maarashaatti,
Eeboo isaaniis tumanii gara haamtuutti ni jijjiiru.+
Sabni saba irratti goraadee hin kaasu,
Isaan kana booda waraana hin baratan.+
4 Tokkoon tokkoon isaanii muka wayinii isaanii fi muka harbuu isaanii jala ni taaʼu,*+
Eenyu iyyuu isaan hin sodaachisu,+
Sababiin isaas, Yihowaan Gooftaan Raayyaa kana dubbateera.
5 Namoonni hundi tokkoon tokkoon isaanii maqaa waaqa isaaniitiin ni deddeebiʼu,
Nuti garuu baraa hamma bara baraatti maqaa Waaqa keenya Yihowaatiin ni deddeebina.+
Warran miidhe sanaa wajjin nan sassaaba.+
7 Ani inni okkolu, lubbuudhaan akka oolu,+
Inni fagootti ariʼamee tures saba jabaa akka taʼu nan godha;+
Yihowaanis ammaa jalqabee bara baraaf
Gaara Xiyoon irratti isaan irratti mootii taʼee ni bulcha.
8 Ati garuu yaa masaraa bushaayee,
Yaa tabba intala Xiyoon,+
Inni gara keetti ni deebiʼa, eeyyee, bulchiinsi jalqabaa* gara keetti ni deebiʼa,+
Mootummaan intala Yerusaalem ni dhufa.+
9 Amma maaliif sagalee kee guddistee iyyita?
Akkuma dubartii daʼumsa irra jirtuutti ciniinsuun kan si qabate,+
Ati mootii hin qabduu?
Moo gorsitoota keetu dhume?
10 Yaa intala Xiyoon, akkuma dubartii daʼumsa irra jirtuutti,
Dhidhiittadhu, aadi,
Sababiin isaas, amma magaalattii keessaa baatee dirree keessa ni jiraatta.
Hamma Baabilonitti ni deemta,+
Achittis ni oolta;+
Achitti Yihowaan harka diinota kee keessaa deebisee si fura.+
11 Saboonni hedduun si irratti walitti ni qabamu;
Isaan, ‘Ishiin haa xurooftu,
Kun Xiyoon irra yommuu gaʼu ijji keenya haa argu’ ni jedhu.
12 Haa taʼu malee, isaan yaada Yihowaa hin beekan,
Kaayyoo* isaas hin hubatan;
Inni akkuma midhaan reefuu haamameetti oobdii irratti walitti isaan ni qaba.
13 Yaa intala Xiyoon, kaʼiitii midhaan siribsiisi;+
Sababiin isaas, ani gaanfa kee gara sibilaatti nan jijjiira,
Kottee kees gara sibiila diimaatti nan jijjiira,
Atis saboota hedduu ni caccabsita.+
Buʼaa isaan karaa sirrii hin taaneen argatan Yihowaadhaaf,
Qabeenya isaaniis Gooftaa guutummaa lafaa isa dhugaatiif adda ni baasta.”+