Faarfannaa
Geggeessaa muuziqaatiif; rukuttaa Shaminiitiin.* Faarfannaa Daawit.
12 Yaa Yihowaa, namni amanamaan kana booda waan hin jirreef na oolchi;
Warri amanamoon namoota gidduudhaa badaniiru.
2 Isaan soba walitti dubbatu;
Hidhii isaaniitiin sobaan ni jaju,* garaa gowwoomsaadhaanis* ni dubbatu.+
3 Yihowaan hidhii sobaan jaju hundumaa,
Arraba of jajuu baayʼisus ni kuta;+
4 Isaan, “Nuti arraba keenyaan ni moona.
Hidhii keenyattis akkuma feenetti fayyadamna;
Eenyutu gooftaa nu irratti taʼa?”+ jedhu.
5 Yihowaan, “Warri miidhaman waan cunqurfamaniif,
Warri hiyyeeyyiinis waan aadaniif,+
Tarkaanfii fudhachuuf nan kaʼa.
Warra isaan tuffatan* jalaas isaan nan oolcha” jedheera.
6 Dubbiin Yihowaa qulqulluu dha;+
Akka meetii iddoo ibiddaa suphee irraa tolfame* keessatti qulqulleeffametti siʼa torba kan qulqulleeffame dha.
7 Yaa Yihowaa, ati isaan ni eegda;+
Tokkoon tokkoon isaanis bara baraaf dhaloota kana irraa ni eegda.
8 Ilmaan namootaa seeraan ala taʼuu waan babalʼisaniif,
Hamoonni ittisa tokko malee asii fi achi deddeebiʼu.+