GAAFFII 17
Kitaabni Qulqulluun maatii kee gargaaruu kan dandaʼu akkamitti?
ABBOOTII MANAA/ABBOOTII
“Haaluma wal fakkaatuun, abbootiin manaa akkuma qaama isaaniitti haadhotii manaa isaanii haa jaallatan. Namni haadha manaa isaa jaallatu of jaallata; namni qaama ofii jibbu tokko illee hin jiru; kanaa mannaa, ni soora, akkasumas ni kunuunsa; . . . tokkoon tokkoon keessan akkuma of jaallatanitti haadha manaa keessan jaalladhaa.”
“Isin abbootiin, ijoollee keessan hin aarsinaa; kanaa mannaa, adabaa fi gorsa Yihowaatiin isaan guddisaa.”
HAADHOTII MANAA
“Haati manaa abbaa manaa ishiitiif ulfina guddaa haa kennitu.”
“Isin haadhotiin manaa, Gooftaa duratti fudhatama waan qabuuf, abbootii manaa keessaniif bitamaa.”
IJOOLLEE
“Yaa ijoolle, kun qajeelaa waan taʼeef, fedhii Gooftaa wajjin haala wal simuun warra keessaniif ajajamaa. Ajajni jalqabaa, ‘Abbaa kee fi haadha tee kabaji’ jedhu eebba akkana jedhu qabateera: ‘Kunis gaarii akka siif taʼuu fi umuriin kee lafa irratti akka dheeratuufi.’”
“Isin ijoolleen, waan hundumaatiin warra keessaniif ajajamaa; kun Gooftaa kan gammachiisu dha.”