KUTAA 6

Bishaan Badiisaa Isa Guddaarraa Barumsa Akkamii Arganna?

Waaqayyo namoota hamoo balleessee, Nohiifi maatiisaa oolcheera. Uumama 7:11, 12, 23

Ergamoota hamoo foon uffatanii dubartootaa wajjin walqunnaman

Guyyaa 40fi halkan 40f bokkaa cimaan waan roobeef guutummaan lafaa bishaaniin uwwifame. Namoonni hamoon hundi ni balleeffaman.

Ergamoonni Waaqayyorratti kaʼan garuu qaama foonii uffatanii turan dhiisanii hafuurota xuraaʼoo taʼan.

Dubartii daa‵ima baattee jirtuu fi mucaa ishii rukkutaa jiru; Neefliimota, ilmaan ergamoota hamoo, gocha gara jabinaa raawwatan

Yeroo kanatti namoota markaba keessa turan qofatu oole. Nohiifi maatiinsaa yeroo booda kan duʼan taʼus, gara fuulduraatti barabaraaf akka jiraataniif Waaqayyo duʼaa isaan kaasa.

Gara fuulduraattis Waaqayyo namoota hamoo balleessee, namoota gaarii ni oolcha. Maatewos 24:37-39

Seexanniifi hafuuronni hamoon namoota gowwoomsuusaanii itti fufaniiru.

Yeroo ammaattis akkuma bara Nohi, namoonni hedduun qajeelfama Yihowaan jaalalaan kakaʼee kennu fudhachuu hin barbaadan. Yeroo dhihootti Yihowaan namoota hamoo taʼan hunda ni balleessa.—2 Phexros 2:5, 6.

Nohii fi maatiin isaa markaba hojjetaniiru

Namoonni akkuma Nohi Waaqayyoon dhaggeeffataniifi wanta inni jedhe raawwatan muraasni jiru; isaanis Dhugaa Baatota Yihowaati.