Seensa Kutaa 9

Kutaan kun waaʼee dargaggootaa, raajotaa fi mootota Yihowaa irratti amantii guddaa akka qaban argisiisanii nu barsiisa. Sooriyaa keessatti intalli xinnoon lammii Israaʼel taate tokko, raajiin Yihowaa Naʼamaaniin akka fayyisu amantii qabdi turte. Eelsaaʼi raajichi Yihowaan loltoota diinaa irraa akka isa eegu amanannaa guutuu qaba ture. Yehoyaadaa inni Luba Ol Aanaa ture lubbuu isaa balaadhaaf saaxilee, Yoʼaas isa mucaa xinnoo ture sana akkoo isaa ishii hamtuu taate, Ataaliyaa irraa isa oolcheera. Hisqiyaas Mootichi Yihowaan Yerusaalemiin akka oolchu amanameera, akkasumas warri Asoor isaan sossodaachisuuf yaalanis isaan hin sodaanne. Yosiyaas Mootichi biyyicha keessaa waaqolii tolfamoo balleesseera, mana qulqullummaa haaresseera, akkasumas sabichi gara waaqeffannaa dhugaatti akka deebiʼu godheera.