FAARFANNAA 152
Mana Kabaja Siif Fidu
(1 Mootota 8:27; 1 Seenaa Baraa 29:14)
1. Yihowaa, Uumaa samiif lafaa,
Samiin akkamiin si baata?
Ejjeta miilla keeti lafti.
Maarree akkamiin si baatti?
Wiirtuu waaqeffannaa kanatti
Kabaja guddaa siif laanna.
Tokkummaadhaan si tajaajilla;
Kanattis baayʼee gammanna.
(CEESISA)
Harka kee balʼistee
Arjummaadhaan nuuf laatte.
Wantuma nuuf kennite
Deebisnee siif laanne.
(BUUSAA)
Waan goote hundaaf galatoomi;
Ulfina guddaas argadhu.
Manni kabaja siif fidu kun
Abdii keenya haa dhugoomsu.
2. Yihowaa, baayʼee hawwaa turree
Mana kana siif ijaarre
Namoonni si waaqessan hundi,
Sirraa baratu asitti.
Kaayyoo kee galmaan gaʼuu feena.
Ajaja kee ni raawwanna,
Hojii addaa Yesuus nuuf kennes
Fiixaan baasuu ni barbaanna.
(CEESISA)
Waan hunda siif laanna
Yeroof qabeenya keenya.
Kun hundi siif ni mala—
Yaa Waaqa jaalalaa.
(BUUSAA)
Waan goote hundaaf galatoomi;
Ulfina guddaa argadhu.
Manni kabaja siif fidu kun
Abdii keenya haa dhugoomsu.