MAXXANSA QAYYABANNAA

MATADUREEWWAN QAYYABANNAA

▪ Yihowaan Isinii Wajjin Waan Jiruuf​—Ija Jabaadhaa!

Namoonni Caaffata Qulqullaaʼoo keessatti caqasaman hedduun amantiifi ija jabina akka qaban argisiisaniiru. Muuxannoo namoota kanaa tokko tokko qoruun keenya, amantii qabaachuufi ija jabinaan Yihowaa tajaajiluuf nu gargaara. Qayyabannaan kun caqasa waggaa 2013 ibsa.

▪ Wanti Kamiyyuu Yihowaarraa Akka Isin Fageessu Hin Heyyaminaa

▪ Yihowaatti Dhihaachuu Keessan Itti Fufaa

Warra, obbolootaafi bakka dhalootaa dabalatee, wantoonni nuyi jireenya keenya keessatti filannaadhaan hin arganne hedduudha. Wanta kamirrayyuu kan caalu hariiroo Yihowaa wajjin qabnudha. Isatti dhihaachuus taʼe isarraa fagaachuuf filachuu dandeenya. Matadureewwan kun jireenya keenya keessatti wantoota Yihowaarraa akka nu fageessan heyyamuu hin qabne torba addeessu.

▪ Gaabbii Malee Tajaajiluu

Hundi keenya wanta ‘Utuun akkas godheera taʼee’ jennee itti gaabbinu raawwanneerra. Haataʼu malee gaabbiin akkasii Waaqayyoon akka hin tajaajille akka nu godhu heyyamuu hin qabnu. Mataduree kana keessatti fakkeenya Phaawulos hordofuudhaan gaabbii malee Yihowaa tajaajiluu kan dandeenyu akkamitti akka taʼe baranna.

▪ Jaarsoliin Gumii​—‘Nu Gammachiisuuf Nu Wajjin Hojjetu’

Phaawulos ergaa isa lammaffaa warra Qorontosiif barreesserratti inniifi obboloonnisaa warri isaa wajjin hojjetan ‘gammachuu obbolootasaaniitiif akka hojjetan’ ibseera. (2 Qor. 1:24) Yaanni Phaawulos dubbate kun keessumaa jaarsolii gumii kan ilaallatu akkamitti? Tokkoon tokkoon keenya gammachuu gumii keessa jiruuf gumaacha gochuu kan dandeenyu akkamitti? Deebii gaaffiiwwan kanaa mataduree kana keessatti qorra.