MATADUREEWWAN QAYYABANNAA

Waaqni ijaan hin mul’anne, uumama cufaa ijaan mul’atu uumeera. Kana guutummaatti ni amantaa? Kana kan amanan namoota hunda miti. Namoonni kaan dhugaa waa’ee Uumaa dubbatu akka hubatan gargaaruufi amantii isarratti qabnu cimsachuu kan dandeenyu akkamitti? Mataduree kana keessatti gaaffiiwwan kanaaf deebii arganna.

Kiristiyaanonni garboota Yihowaa akka ta’an gorsi isaanii kennameera. Matadureen kun, qophii Seerri Musee garbootaaf godhe maal akka ta’e, Seexanaafi wantoota biyyi lafaa inni bulchuu dhiheessuuf garba ta’uurraa fagaachuu kan dandeenyu akkamitti akka ta’e, akkasumas amanamummaadhaan Waaqayyoof hojjechuun kan nama kiisu akkamitti akka ta’e nu barsiisa.

Guyyaa hundumaa Dubbii Waaqayyoorratti kan xiinxallu yoo ta’e, kadhannaan keenya caalaatti hiika qabeessa ta’a. Matadureen jalqabaa, kun dhugaa ta’uunsaa, kadhannaa Lewwoonni saba Waaqayyoo bakka bu’uudhaan dhiheessanirratti kan mul’ate akkamitti akka ta’e ibsa. Matadureen lammaffaanimmoo, kadhannaa jaalalarratti hundaa’eefi Yesus dhiheesse keessaa isa tokko akkamitti hojiirra oolchuu akka dandeenyu ibsa. Kadhannaawwan lamaanuu, fedhii keenyarra fedhii Yihowaa dursuu ilaalchisee fakkeenya kan ta’anidha.