MATADUREEWWAN QAYYABANNAA

Eebbawwan arganne irratti xiinxaluu fi wantoota kanaaf Yihowaa galateeffachuudhaan, amala galateeffannaa argisiisuu keenya itti fufu ni dandeenya. Amala galateeffannaa qabaachuun keenya, galateeffannaa dhabuu irraa fagaachuu fi rakkina dandaʼuuf nu gargaara. Caqasni waggaa 2015 waggaa guutuu kana yaadachuuf nu gargaara.

Mata dureen kun, Ayyaana Yaadannoo duʼa Yesus kabajuu kan qabnu maaliif akka taʼe ibsa. Maxinoo fi wayniin Ayyaanicha irratti dhihaatu maal akka bakka buʼuu fi namni tokko kana irraa hirmaachuu kan qabu taʼuu isaa beekuu kan dandaʼu akkamitti akka taʼes ni ibsa. Akkasumas, dhuunfaatti Irbaata Gooftaatiif qophaaʼuu kan dandeenyu akkamitti akka taʼe hubachuuf nu gargaara.

Hiriyoonni gaaʼelaa dhiibbaa fi qorumsa garaa garaatu isaan irra gaʼa. Taʼus, gargaarsa Yihowaatiin gaaʼela cimaa fi gammachuu qabu qabaachuun ni dandaʼama. Mata dureen jalqabaa, waaʼee wantoota akka bilokkeettii taʼanii gaaʼela cimaa fi hin diigamne ijaaruuf gargaaran shanii fi waaʼee wanta akka simmiintoo taʼuudhaan bilokkeettiiwwan kana wal qabsiisuuf gargaaruu ibsa. Mata duree lammaffaa irratti immoo, gaaʼela keenya balaa irraa eeguuf maal gochuu akka dandeenyu qorra.

Jaalalli dhiiraa fi dubartii tokko gidduu jiru kan dhugaa ti kan jedhamu yeroo akkamiitti? Jaalala hin badne qabaachuun ni dandaʼamaa? Jaalalli akkasii kan ibsamu akkamitti? Weedduun Weedduu Caalu waaʼee jaalala hin badnee maal akka nu barsiisu ilaali.