Kitaabni Qulqulluun Maal Jedha?

Waaqayyo maqaa qabaa?

NAMOONNI TOKKO TOKKO Waaqayyo maqaa hin qabu jedhu; kaan immoo maqaan isaa Waaqayyo ykn Gooftaa akka taʼe dubbatu; kaanis maqaa garaa garaa hedduu qaba jedhu. Ati hoo maal sitti fakkaata?

KITAABNI QULQULLUUN MAAL JEDHA?

“Maqaan kee ‘Isa Jiraataa’ [Yaahwee ykn “Yihowaa,” NW]a akka ta’e, ati kophaa kee guutummaa biyya lafaa irratti gooftaa isa hundumaa gararraa jiru taʼuu kees haa beekan!”—Faarfannaa 83:18.

WANTA DABALATAA KITAABA QULQULLUU IRRAA BARANNU

• Waaqayyo maqaawwan ulfinaa hedduu kan qabu taʼus, maqaa ofii isaatiif baase tokko qofa qaba. —Baʼuu 3:15, NW.

• Waaqayyo iccitii miti; akka isa beeknu barbaada. —Hojii Ergamootaa 17:27.

• Waaqayyoo wajjin michummaa uumuuf tarkaanfiin inni jalqabaa, maqaa isaa beekuu dha.—Yaaqoob 4:8.

Maqaa Waaqayyoo waamuun dogoggora dhaa?

MAAL SITTI FAKKAATA?

• Eeyyee

• Lakki

• Haala isaa irratti kan hundaaʼe dha

KITAABNI QULQULLUUN MAAL JEDHA?

“Maqaa Waaqayyoo gooftaa keetii akkasumaan hin dha’in!” (Baʼuu 20:7) Maqaa Waaqayyootti fayyadamuun dogoggora kan taʼu karaa ulfina hin qabneen yoo itti fayyadamne qofa dha.—Ermiyaas 29:9.

WANTA DABALATAA KITAABA QULQULLUU IRRAA BARANNU

• Yesuus maqaa Waaqayyoo beeka ture; akkasumas itti fayyadameera.—Yohaannis 17:25, 26.

• Waaqayyo maqaa isaatiin akka isa waamnu nu afeereera.—Faarfannaa 105:1.

• Diinonni Waaqayyoo namoonni maqaa isaa akka irraanfatan gochuuf yaalu.—Ermiyaas 23:27.