Saanduqa Gaaffii (2)

◼ Tajaajilaa wajjin haala wal qabateen saala faallaa ta’ee wajjin yeroo taanu of eeggannoo akkamii gochuu nu barbaachisa?

Obboloonni keenya jireenya qulqulluu jiraachuu qabu jennee eeguuf sababa ga’aa qabna. Ta’us, kan jiraannu biyya lafaa xuraa’aafi amala manca’aadhaan guutame keessadha. Ilaalcha gaarii qabaannullee, yeroo hundaa wanta arrabsoo fidurratti ykn gocha sirrii hin taanerratti hirmaachuurraa fagaachuuf of eeggannoo gochuu qabna. Kunis tajaajilarratti yeroo bobbaanu of eeggannoo gochuu kan dabalatudha.

Yeroo baay’ee tajaajilarratti namoota saala faallaa ta’aniifi dhugaadhaaf fedhii qaban argachuu dandeenya. Manaa gara manaatti yeroo tajaajillu qofaa keenya yoo taane, namni haasofsiisnu sun saala faallaa yoo ta’eefi namni garabiraan mana keessa hin jiru yoo ta’e, manatti ol seenuu mannaa aluma dhaabannee dhugaa ba’uun baay’ee filatamaadha. Abbichi fedhii kan qabu yoo ta’e, babal’isaa biraa wajjin ykn yeroo miseensonni maatii sanaa manatti argaman deebinee dhaquu dandeenya. Kun ta’uu baannaan, nama haasofsiisne sana babal’isaan saalaan wal fakkaatu dhaqee utuu mariisisee gaariidha. Mala kanatti saala faallaa ta’e yeroo qayyabsiisnuttis itti fayyadamuu qabna.—Mat. 10:16.

Tajaajilarratti nama nuu wajjin tajaajilu ennaa filannu of eeggannoo gochuu qabna. Al tokko tokko babal’istoota saala faallaa wajjin tajaajiluun kan danda’amu ta’us, akkas kan goonu garuu yeroo gareedhaan tajaajillu utuu ta’ee filatamaadha. Ta’us nama hiriyaa gaa’elaa keenya hin ta’in wajjin tajaajilarratti yeroo dheeraa waliin turuun gaarii miti. Kanaaf, obboleessi walga’ii tajaajilaa sana geggeessu babal’istootaafi ijoollee umriinsaanii waggoota kurnan keessa jiran waliin ramaduuf hubannaa gaariitu isa barbaachisa.

Yeroo hunda hubannaa gaarii qabaachuudhaan wanta nuunis ta’e warra kaan ‘gufachiisu’ gochuurraa fagaachuu dandeenya.—2 Qor. 6:3.

km 5/97 (Amaariffa)